សារព័ត៌មាន CNN បានរាយការណ៍ពីករណីប្រទះឃើញសាកសពមនុស្សមិនស្គាល់អត្តសញ្ញាណចំនួន ២ នាក់នៅក្នុងកន្លែងដាក់កង់នៅលើយន្តហោះមួយគ្រឿងនៅសហរដ្ឋអាមេរិក។
តាមព័ត៌មានបានឱ្យដឹងថា យន្តហោះមួយគ្រឿងនេះ ជាយន្តហោះរបស់ជើង Jetblue ដែលបានធ្វើដំណើរពីទីក្រុង New Yorks មកកាន់ Fort Lauderdale រដ្ឋ Florida ។ ចំណែកសពទាំង ២ នោះ គឺជាសាកសពរបស់មនុស្សប្រុសទាំង ២ ត្រូវបានរកឃើញនៅក្នុងកាប៊ីនកន្លែងដាក់កង់របស់យន្តហោះ ខណៈអ្នកបច្ចេកទេសធ្វើការត្រួតពិនិត្យក្រោយពីចុះចត នៅថ្ងៃទី ៦ ខែមករា ឆ្នាំ ២០២៥ កន្លងទៅ។
យ៉ាងណាមិញ សាកសពទាំង ២ នេះ មិនត្រូវបានគេស្គាល់អត្តសញ្ញាណឡើយ ព្រោះស្ថិតក្នុងសភាពរលួយស្ទើរទាំងអស់ទៅហើយ ហើយគេក៏កំពុងតែពិនិត្យរកមូលហេតុនៃការស្លាប់ និង មូលហេតុដែលចូលមកក្នុងយន្តហោះបានដោយរបៀបណាផងដែរ។ ដោយឡែក ករណីនេះមិនមែនជាករណីលើកដំបូងនោះទេ ពោលគឺធ្លាប់កើតមានពីមុនមកហើយ ដែលធ្វើឱ្យមហាជននាំគ្នាកាន់តែភ័យខ្លាចពីសុវត្ថិភាពរបស់ពួកគេចំពោះការហោះហើរថែមមួយកម្រិតទៀត៕
ប្រភព៖ Kapook
