ចំណុច​ពិសេស​ទាំង​ ​៥​ ​យ៉ាង​​របស់​គ្រូបង្រៀន​ ​បើ​បាន​ធ្វើ​ប្ដី ឬប្រពន្ធ​ទុក​ថា​សំណាង​ខ្លាំង​

​គ្រប់ការ​ងារ​ទាំងអស់​សុទ្ធតែ​មាន​ចំណុច​ពិ​សេ​សរៀងៗ​ខ្លួន​ទៅតាម​ចរិតលក្ខណៈ​ ​នៃ​ប្រភេទ​ការងារ​នី​មួយ​ៗ​ ​។​ ​ខាងក្រោម​នេះ​ ​គឺជា​លក្ខណៈ​ពិសេស​បំផុត​របស់​គ្រូបង្រៀន​ដែល​សមស្រប​ទៅតាម​ចរិតលក្ខណៈ​របស់​គេ​ ​។​ ​ដូច្នេះ​ចង់​ដឹង​ថា​ ​មាន​ចំណុច​ពិសេស​អ្វីខ្លះ​ ​សូម​មក​ដឹង​ទាំង​​អស់​គ្នា​ ​៖​ ​

​១​.​ ​មានការ​អប់រំ​ល្អ​ដល់​កូន​ៗ​ ​

​ពាក្យ​ថា​គ្រូបង្រៀន​មួយម៉ាត់​ ​គឺ​ពិតជា​មាន​អត្ថន័យ​យ៉ាង​គ្រប់គ្រាន់​ដែល​បញ្ជាក់​ថា​ជា​បុគ្គល​ម្នាក់​ដែល​ផ្ទេររាល់​ចំណេះដឹង​របស់​ខ្លួន​តាមរយៈ​ភារកិច្ច​របស់​ខ្លួន​ទៅដល់​មនុស្ស​គ្រប់គ្នា​ ​ឲ្យ​ក្លាយជា​បុគ្គល​ដ៏​ល្អ​ក្នុង​សង្គម​ មានចំណេះ​ដឹង​អាច​រក​ប្រាក់​ចិញ្ចឹម​ជីវិ​បាន​ ​។​ ​ដូច្នេះ​ពេល​ដែលគេ​មានកូន​គេ​នឹង​ក្លាយជា​ឪពុក​ផង​ ​ជា​គ្រូ​ដែល​មាន​ក្របខណ្ឌ​ផង​ ​ដែល​អាច​អប់រំ​កូន​បាន​យ៉ាង​ល្អ​ ​ហើយ​ជា​គំរូ​ល្អ​ដល់​កូន​ៗ​ ​។​ ​គេ​តែង​ចំណាំ​ថា​កូន​ដែល​មាន​ឪពុក​ ​ឬ​ ​ម្ដាយ​ជា​គ្រូបង្រៀន​តែងតែ​រៀន​ពូកែ​ណាស់​ ​។​ ​

​២​.​ ​មាន​ក្ដី​ស្រលាញ់​ច្រើន​

​ជា​គ្រូបង្រៀន​ម្នាក់​លុះត្រា​មាន​ក្ដី​ស្រឡាញ់​ច្រើន​ ​មាន​មនោសញ្ចេតនា​ខ្ពស់​ ​ទើប​អាច​ក្លាយជា​គ្រូបង្រៀន​ដ៏​ល្អ​ម្នាក់​ ​។​ ​ដោយសារ​គេ​មាន​ក្ដី​ស្រឡាញ់​ ​និង​ ​មនោសញ្ចេតនា​ប្លែក​ពី​អ្នកដទៃ​ ​ទើប​គេ​មាននិស្ស័យ​ផ្នែក​អប់រំ​នេះ​ ​ព្រោះ​ជា​គ្រូបង្រៀន​ម្នាក់​ត្រូវ​ជួប​មនុស្សជា​ច្រើន​ ​ដែល​មាន​អត្ត​ចរិត​ខុស​ៗ​គ្នា​ ​។​ ​ប្រសិនបើ​នារី​ណា​បាន​ស្វាមី​ជា​គ្រូបង្រៀន​ចាត់ទុកថា​សំណាង​ណាស់​ ​ព្រោះ​ដោយសារតែ​ក្ដី​ស្រឡាញ់​ក្នុង​ខ្លួន​គេ​មាន​ច្រើនលើស​លប់​ ​គេ​តែងតែ​ធ្វើឲ្យ​អ្នក​សើច​ច្រើន​ជាង​យំ​ ​។​ ​

​៣​.​ ​ចេះ​ប្រើពាក្យ​ពី​រោះ​ៗ​ដាក់ប្ដី ឬ​ប្រពន្ធ​

​ពាក្យសម្ដី​ពីរោះ ​គឺ​កើត​ចេញពី​ក្ដី​ស្រឡាញ់​ដ៏​ច្រើនលើស​លប់​របស់​គេ​នេះ​ហើយ​ ​។​ ​ការ​បង្រៀន​ ​គេ​ត្រូវ​ប្រើពាក្យ​ដែល​មាន​សីលធម៌​ ​សេចក្ដីថ្លៃថ្នូរ​ស្ទើរតែ​គ្រប់​ពាក្យ​គ្រប់​ម៉ាត់​ទៅកាន់​កូនសិស្ស​។​ ​ដូច្នេះ​រឿង​អី​គេ​មិន​ចេះ​ប្រើពាក្យ​ពី​រោះ​ៗ​ទៅកាន់​មនុស្សជា​ទីស្រឡាញ់​របស់​គេ​បាន​ ​។​ ​ចំណុច​នេះ​មិនមែន​មានន័យថា​ ​ប្រើពាក្យ​ផ្អែមល្ហែម​ដូច​គូស្នេហ៍​ក្នុង​ប្រលោមលោក​នោះ​ទេ​ ​តែ​សំដៅ​ទៅលើ​ការ​និយាយ​ស្ដី​ដែល​ចេះ​គោរព​ ​មាន​សីលធម៌​ ​។

 ​៤​.​ ​មាន​មូលដ្ឋាន​គ្រឹះ​ដោះស្រាយ​បញ្ហា​ដោយសន្តិវិធី​ ​

​ត្រង់​ចំណុច​នេះ​សំដៅថា​ ​ពេល​មាន​បញ្ហា​កើតឡើង​ក្នុង​គ្រួសារ​ ​គេ​ជា​មនុស្សម្នាក់​ដែល​ចេះ​បត់​ ​បែន​ទៅតាម​កាលៈទេសៈ​ ​និង​ ​រក​ដំណោះស្រាយ​យ៉ាង​ល្អ​ ​ក្រៅពី​ការ​បង្កជម្លោះ​ជា​ពាក្យសម្ដី​ ​ឬ​ការប្រើ​អំពើ​ហិង្សា​ ​។​ ​គេ​ជា​មនុស្សម្នាក់​ដែល​មាន​មនោសញ្ចេតនា​ច្រើន​ ​ពោរពេញ​ដោយ​ក្ដី​ ​ស្រឡាញ់​ទៅកាន់​មនុស្ស​ជុំវិញ​ខ្លួន​ ​បែបនេះ​ហើយ​ទើប​គេក​ម្រ​នឹង​បង្កជម្លោះ​ណាស់​ ​។​ ​

​៥​.​ ​កិត្តិយស​ ​និង​សេចក្ដីថ្លៃថ្នូរ​ ​

​ចំពោះ​ចំណុច​នេះ​វិញ​មិនមែន​មានន័យថា​ ​ការងារ​ផ្សេង​ក្រៅពី​គ្រូបង្រៀន​មិនមែន​កិត្តិយស​ ​និង​ ​សេចក្ដីថ្លៃថ្នូរ​នោះ​ទេ​ ​តែ​គ្រូបង្រៀន​មាន​លក្ខណៈ​ពិសេស​ម្យ៉ាង​ពី​ការងារ​ដទៃ​ ​។​ ​លក្ខណៈ​ ​ពិសេស​នោះ​ត្រង់ថា​ ​គ្រប់​បុគ្គល​ទាំងអស់​មានការ​ងារ​ធ្វើ​ ​មាន​អនាគត​ល្អ​ ​និង​ ​ជា​ធនធានមនុស្ស​សម្រាប់​ប្រទេសជាតិ​ ​គឺ​កើត​ចេញពី​គ្រូបង្រៀន​ ​។​ ​គ្រូបង្រៀន​មិន​អាច​ក្លាយជា​មហាសេដ្ឋី​បានទេ​ ​តែ​គ្រូបង្រៀន​អាច​ធ្វើឲ្យ​បុគ្គល​ធម្មតា​ម្នាក់​ក្លាយជា​មហាសេដ្ឋី​បាន​ ​៕​ ​

​​