ប្រាប់តៗគ្នាផង! អ្នកមានប័ណ្ណ​សមធម៌​ ប័ណ្ណ ប.ស.ស អាច​ទៅ​​ពិនិត្យ ពិគ្រោះជំងឺនៅ​មន្ទីរពេទ្យហ្លួងម៉ែបាន

មន្ទីរពេទ្យហ្លួងម៉ែ បានចាប់ផ្ដើមបើកដំណើរការដំណាក់កាលដំបូងលើការពិនិត្យ និង ពិគ្រោះជំងឺក្រៅ ចាប់ពីថ្ងៃទី ១៦ ខែកញ្ញា ឆ្នាំ ២០២៤ កន្លងទៅ ជារៀងរាល់ថ្ងៃ ចាប់ពីម៉ោង ៨ ព្រឹក ដល់ម៉ោង ៥ ល្ងាច។

បន្ទាប់ពីបានចាប់ផ្ដើមបើកដំណើរការដំណាក់កាលដំបូងមក នៅថ្ងៃទី ២៤ ខែវិច្ឆិកា ឆ្នាំ ២០២៤ ថ្មីៗនេះ មន្ទីរពេទ្យ ហ្លួង​ ម៉ែ បានជូនដំណឹងឱ្យបានដឹងថា សម្រាប់បងប្អូនប្រជាពលរដ្ឋដែលមាន​ប័ណ្ណ​សមធម៌​ និង ប័ណ្ណ ប.ស.ស អាច​អញ្ជើញ​ទៅ​ទទួល​សេវា​ពិនិត្យ និង ពិគ្រោះជំងឺបាន ​​នៅ​មន្ទីរពេទ្យ ហ្លួង ម៉ែ ដោយអាចទំនាក់ទំនងសួរព័ត៌មានតាមរយៈលេខ 010 228 965។

តាមរយៈសេចក្ដីជូនដំណឹង បានឱ្យដឹងថា មន្ទីរពេទ្យហ្លួងម៉ែ មានផ្តល់សេវាដូចខាងក្រោម ៖

១. ពិនិត្យ និង ស្វែងរកជំងឺមហារីកដំណាក់កាលដំបូង (Screening)

២. ចាក់វ៉ាក់សាំងការពារជំងឺមហារីកមាត់ស្បូន (HPV)

៣. ពិនិត្យ និង ពិគ្រោះជំងឺមហារីកទាក់ទងនឹង៖

– រោគស្ត្រី (មាត់ស្បូន, សុដន់, ក្រពេញអូវែរ, ស្បូន)

– ប្រព័ន្ធរំលាយអាហារ (បំពង់រំលាយអាហារខាងលើ ក្រពះ ពោះវៀន ថ្លើម បំពង់បង្ហូរទឹកប្រមាត់ និង លំពែង)

– ប្រព័ន្ធទឹកម៉ូត្រ

– ប្រព័ន្ធដង្ហើម៕