ប្រាប់តៗគ្នាផង! អ្នកមានជំងឺឆ្អឹងប៉ុន្មានមុខនេះ អាចទៅពិនិត្យព្យាបាល និង វះកាត់ឥតគិតថ្លៃ នៅពេទ្យគៀនឃ្លាំង

នៅថ្ងៃទី ១០ ខែមករា ឆ្នាំ ២០២៥ មជ្ឈមណ្ឌលវះកាត់កុមារ ដែលអ្នកជំងឺហៅថាពេទ្យគៀនឃ្លាំង បានជូនដំណឹងឱ្យបានដឹងថា នឹងមានក្រុមគ្រូពេទ្យអាមេរិកជំនាញផ្នែកឆ្អឹងមកពីប្រទេសអាមេរិក ផ្តល់ជូនការពិនិត្យព្យាបាល និង វះកាត់មិនគិតថ្លៃសម្រាប់អ្នកក្រីក្រ (សូមយកបណ្ណសមធម៌មកជាមួយ) ក្នុងមជ្ឈមណ្ឌលជាតិស្តារលទ្ធភាពពលកម្មគៀនឃ្លំាង ផ្លូវ៦អា ភូមិគៀនឃ្លំាង ខណ្ឌជ្រោយចង្វារ រាជធានីភ្នំពេញ។

ចំពោះការផ្ដល់ជូននេះ គឺចាប់ពីថ្ងៃទី ១៧ ដល់ថ្ងៃទី ២១ ខែកុម្ភៈ ឆ្នាំ ២០២៥ ដែលផ្ដោតទៅលើផ្នែកឆ្អឹងខ្នង ឆ្អឹងដៃ ជើង និង ឆ្អឹងត្រគាក រួមមានប្រភេទជំងឺដូចជា ៖

១. ឆ្អឹងខ្នងវៀច

២. ឈឺឆ្អឹងខ្នង

៣. គៀបឆ្អឹងខ្នង

៤. វៀចត្រគាក

៥. បញ្ហាឆ្អឹងដៃ ឬ ជើងវៀច ឬ ខូចពីកំណើត

អាស្រ័យហេតុនេះ សូមអ្នកនាំអ្នកជំងឺមកចុះឈ្មោះជាមុនសិន ដើម្បីឱ្យពេទ្យគេដឹងថាអ្នកជំងឺឈឺអ្វី ដើម្បីងាយស្រួយពិនិត្យកុំឱ្យមានការរង់ចាំយូរ។ ក្នុងនោះសូមកុំសួរអ្នករត់ម៉ូតូឌុបនៅគៀនឃ្លាំង អ្នកចាំចាប់អ្នកជំងឺនៅតាមផ្លូវមាត់ច្រកចេញចូលនៅក្រៅអគារ អ្នកផ្ញើម៉ូតូ ព្រោះអ្នកទាំងអស់នោះ កំពុងអូសទាញអ្នកជំងឺដើម្បីផលប្រយោជន៏ខ្លួន។ ព័ត៌មានបន្ថែមសូមទំនាក់ទំនងលេខតេឡេក្រាម +85512807679៕