តាមសារព័ត៌មាន news.com.au បានរាយការណ៍ពីករណីរបស់ Influencer សញ្ជាតិអាមេរិកម្នាក់ឈ្មោះ Killadamente ឬ Carol Acosta ដែលបានបង់ជីវិតនៅវ័យ ២៧ ឆ្នាំទាំងកំពុងពពោះកូនទី ៣ នៅក្នុងផ្ទៃ ដោយសារតែការស្លាក់អាហារ។
តាមព័ត៌មានបានឱ្យដឹងថា នៅថ្ងៃទី ៣ ខែមករា ឆ្នាំ ២០២៥ កន្លងទៅ Carol បានជួបជុំញ៉ាំអាហារពេលល្ងាចជាមួយនឹងគ្រួសារនៅក្នុងហាងអាហារមួយកន្លែងនាទីក្រុង New Yorks ហើយនៅសុខៗនាងក៏បានស្លាក់អាហារ បន្ទាប់មកក៏ដកដង្ហើមលែងរួច រហូតធ្វើឱ្យក្រុមគ្រួសារភិតភ័យ និងបានបញ្ជូននាងទៅកាន់មន្ទីរពេទ្យ តែជាអកុសល នាងបានបាត់បង់ជីវិតទៅហើយ។
យ៉ាងណាមិញ ខាងក្រុមគ្រួសាររបស់នាងកំពុងរង់ចាំលទ្ធផលកោសល្យវិច្ច័យ ដោយគេជឿថា Carol អាចគាំងបេះដូងខណៈកំពុងហូបអាហារ។ គួរឱ្យដឹងដែរថា Carol ជា Influencer មួយរូបដែលតែងតែនិយាយលើកទឹកចិត្តមហាជនអំពីរឿងរាងកាយ និង រូបសម្ផស្ស ព្រោះតែរូបនាងផ្ទាល់ធ្លាប់ឆ្លងកាត់ការប្រមាថមើលងាយក្នុងរឿងនេះពីមុនមក ហើយនាងទទួលបានការគាំទ្រច្រើនណាស់ពីសំណាក់មហាជននៅលើបណ្តាញសង្គម៕
ប្រភព៖ Kapook
