បើគិតមកដល់ពេលនេះ រយៈពេលប្រមាណជាង ៧ ខែ មកហើយ ដែលបទចម្រៀងក្នុងឱកាសចូលឆ្នាំខ្មែរក្នុងឆ្នាំ ២០២៤ របស់តារាចម្រៀងរ៉េប វណ្ណដា បានចេញជាផ្លូវការ និង មានការចូលទស្សនាដល់ទៅជាង 36 M ទៅហើយ នៅលើ Youtube។
មិនត្រឹមតែប៉ុណ្ណោះ សូម្បីតែ Clip ខ្លីៗនៃ MV ខាងលើ ដែលបានបង្ហោះលើ Tik Tok ក្នុងគណនីរបស់ វណ្ណដា និង ផលិតកម្មបារមី ក៏មានការចូលរួមយកបទនេះទៅលេងខ្ទង់ M ទៀត ដោយមានទាំងអ្នកគាំទ្រក្នុងស្រុក និង ក្រៅស្រុក។
ម្យ៉ាងវិញទៀតនោះ បទ «សង្ក្រាន្តស្គាល់ស្នេហ៍» របស់ វណ្ណដា នៅតែបន្តការគាំទ្ររហូតមានតារាចម្រៀងក្រៅប្រទេសមួយចំនួន បានយកបទនេះទៅ Cover ជាភាសាខ្មែរ និង បរទេសទៀតផង។
យ៉ាងណាមិញ ក្រឡេកទៅមើលតារាចម្រៀងរបស់ប្រទេសថៃជាច្រើនរូប ដែលគេឃើញមានតារាប្រុស Jazz Phadung ដែលអ្នកគាំទ្រខ្មែរហៅថា Jazz 4G និង តារាចម្រៀងប្រុស Ice Sarunyu ក៏ដូចជាតារាថៃផ្សេងទៀត បានយកបទ «សង្ក្រាន្តស្គាល់ស្នេហ៍» របស់តារាចម្រៀងរ៉េប វណ្ណដា ទៅច្រៀងនៅលើឆាកតន្ត្រីជាច្រើនបង្កភាពសប្បាយរីករាយ ធ្វើឱ្យបទចម្រៀងនេះកាន់តែមានគុណភាព៕
សូមចុចទីនេះ ដើម្បីទស្សនាវីដេអូទី ១៖
សូមចុចទីនេះ ដើម្បីទស្សនាវីដេអូទី ២៖
