(វីដេអូ) លីនណា និង សុធារិទ្ធ បង្ហោះរូបចម្អិនម្ហូបជាមួយគ្នា អ្នកគាំអៀនមុខក្រហមរហូតនិយាយពាក្យក្នុងឡើងព្រាងត

បើទោះជាកម្មវិធីប្រកួតចម្អិនម្ហូបលំដាប់ពិភពលោក MasterChef Cambodia រដូវកាលទី ៣ បានបញ្ចប់ និង បានរកឃើញម្ចាស់ពានបានទៅលោក ឃួន សំអន ហើយក្តី តែបេក្ខជនឆ្នើមទាំងអស់នៃកម្មវិធីនេះនៅតែទទួលបានការគាំទ្រដដែល។

ក្នុងនោះដែរ ក្រឡេកទៅមើល លោក សំ សុធារិទ្ធ និង កញ្ញា ប៊ុន លីនណា ក៏ដូចគ្នាដែរ គឺប្រុសសង្ហាស្រីស្អាតមួយគូនេះត្រូវបានអ្នកគាំទ្រចំអន់ថា អ្នកទាំង ២ មើលទៅបង្ហាញភាពស្និទ្ធស្នាលមិនចាញ់គូរបស់កញ្ញា ឆៃ តារាម៉ាលីន និង លោក ចៅ ដាឡែត នោះឡើយ។

ជាការពិតណាស់ បើការបង្ហើបពីទំនាក់ទំនងហាក់លើសពីមិត្តរួមការប្រកួតនៅស្រពិចស្រពិលនៅឡើយ តែអ្នកគាំទ្រឃើញថាលោក សុធារិទ្ធ និង កញ្ញា លីនណា រមែងទៅណាមកណាជាមួយគ្នាទោះមិនមែនជារឿងការងារក្តី។ ម្យ៉ាងវិញទៀត មួយរយៈក្រោយនេះ បើទោះជាការប្រកួតបានបញ្ចប់ហើយក្តី តែលោក សុធារិទ្ធ និង កញ្ញា លីនណា បានបង្ហាញភាពស្និទ្ធស្នាលនឹងគ្នាខ្លាំង គឺនៅក្បែរគ្នាគ្រប់ពេលតែម្តង។

ជាក់ស្តែងនៅព្រឹកថ្ងៃទី ៣០ ខែធ្នូ ឆ្នាំ ២០២៤ កន្លងទៅនេះ លោក សំ សុធារិទ្ធ បានបង្ហោះវីដេអូមួយលើផេកហ្វេសប៊ុកផ្លូវការរបស់លោក ដោយមានកញ្ញា ប៊ុន លីនណា ចូលរួមចម្អិនម្ហូបជាមួយគ្នា។ ក្នុងនោះ Top 5 MasterChef Cambodia រដូវកាលទី ៣ ទាំង ២ រូប នេះ ត្រូវបានមហាជនចាប់អារម្មណ៍ពីភាពស្និទ្ធស្នាលរបស់អ្នកទាំង ២ ជាងការចម្អិនម្ហូប រហូតខ្លះចូលទៅខមមិនថា «មើលវីដេអូនេះហើយ ញញឹមម្នាក់ឯង»៕

សូមចុចទីនេះ ដើម្បីទស្សនាវីដេអូ៖