រដូវសែនក្បាលទឹក! អ្នកកើតឆ្នាំទាំង ៦ នេះ ពេលទ្វារនរកបើកត្រូវប្រយ័ត្នខ្លាំង ហាមដាច់យប់ ហើយតមធ្វើរឿង ១៧ យ៉ាងនេះ
ឈានចូលមកដល់ខែសីហា ដែលជាខែទី ៨ នៃឆ្នាំទាំង ១២ បើតាមគ្រូចិនសែ ម៉ុង ដែលជាម្ចាស់ផេក ហុងស៊ុយ បានចែករំលែកឱ្យដឹងថា ទ្វារនរកបានបើកនៅយប់ ម៉ោង ១២ នៃថ្ងៃទី ០៤ ខែសីហា ឆ្នាំ ២០២៤ នេះ។
ក្នុងការចែករំលែកនេះផងដែរ គ្រូហុងស៊ុយ ដែលកំពុងមានប្រជាប្រិយភាពរូបនេះ បានបញ្ជាក់ឱ្យដឹងថា ជាទូទៅ ខែ ៧ ចិន ជាខែដែលថាមពលយិនមានឥទ្ធិពលខ្លាំង ថាមពលយិននេះ គឺជាថាមពលងងឹត។
ដោយសារមានអរូបច្រើនត្រូវបានលែងឱ្យដើរតាមផ្លូវមករកកូនចៅ មានតែខ្មោចដែលមានសាច់ញាតិទេ ដែលពួកគេអាចមកផ្ទះខ្លួនឯងបាន ដោយឡែកពពួកខ្មោចលង់ទឹក ខ្មោចសម្លាប់ខ្លួន ខ្មោចដែលស្លាប់ដោយមិនមានសាច់ញាតិមិនមានបុណ្យកុសល រកផ្ទះមិនឃើញគឺពួកគេគ្មានជម្រើសអ្វីក្រៅពីដើរតាមផ្លូវ ជ្រកក្រោមដើមឈើ ពួនក្រោមកន្លែងងងឹតៗ…។
លោកគ្រូហុងស៊ុយ បានបន្តទៀតថា នៅពេលទ្វារនរកបើកហើយ សូមប្រុងប្រយ័ត្នឱ្យបានមែនទែន សម្រាប់ឆ្នាំ ច រោង ថោះ ឆ្លូវ ខាល ម្សាញ់ ហើយសូមអនុវត្តនូវត្រណមខាងក្រោមនេះ ៖
1. ហាមដាច់យប់
2. ហាមដើរលេងខាងក្រៅ ដាច់យប់
3. ហាមស្រែកហៅឈ្មោះឮៗ ជាពិសេសពេលយប់
4. ហាមដាក់កន្ដឹង ឬ ទូរស័ព្ទ លើក្បាលដំណេក
5. ហាមដាក់ស្បែងជើងក្បែរគ្រែគេង
6. ហាមផ្អែកជញ្ជាំងផ្ទះ ឬ ជញ្ជាំងរបងខាងក្រៅផ្ទះ
7. ហាមហែលទឹក ឬ លេងទឹក
8. ហាមងាកក្រោយ ពេលឮសំឡេងចម្លែកហៅអ្នក
9. ហាមលួចហូបចំនីអាហារដែលគេកំពុងសែន
10. ហាមយកចង្កឹះចាក់ពីលើបាយ
11. ហាមថតរូបពេលយប់
12. ហាមបញ្ជាំងពិល ទៅលើដើមឈើ ឬ ទីងងឹត
13. ហាមស្រែក ពាក្យថា (ខ្មោចៗ) មិនថាថ្ងៃ ឬ យប់
14. ហាមដេកទាំងសក់នៅរញ៉េរញ៉ៃ
15. ហាម ហាល ខោអាវ ពេលមេឃងងឹត ឬ ពេលយប់
16. ហាមពាក់អាវខ្មៅ ឬ ក្រហម
17. ហាមរើសអាហារដែលជ្រុះ មកហូបវិញ
18. សូមរៀបចំសែនក្បាលទឹក នៅថ្ងៃទី ១៨ ខែសីហា ឆ្នាំ២០២៤៕
