លំបាកច្រើនមកហើយ! ខួបកំណើតឆ្នាំនេះ ផេនខេក រៀបចំនៅ Sky Bar ជួបជុំបងប្អូនសិល្បៈជិតដិត យកភាពរីករាយមកវិញ

អ្នកនិយមតាមដានរឿងរ៉ាវឯកជន និង ជីវិតសិល្បៈរបស់តារាភេទទី ៣ ផេនខេក ច្បាស់ជាបានជ្រាបហើយថា ទម្រាំតែមានភាពល្បីល្បាញ ទទួលបានការគាំទ្រមកដល់សព្វថ្ងៃ ផេកខេក បានឆ្លងកាត់ការតស៊ូ និង បញ្ហាជាច្រើនក្នុងជីវិត។ ក្នុងនោះ ផេកខេក ក៏ធ្លាប់ផុងខ្លួនជាប់បំណុលរស់នៅរកប្រាក់ ដើម្បីសងគេយ៉ាងលំបាកថែមទៀតផង។

យ៉ាងណាមិញ បើធ្លាប់ជួបព្យុះភ្លៀងបោកបក់មិនឈប់ក្តី ផេកខេក ក៏ហាក់មិនទោរទន់ទៅតាមព្រេងវាសនានោះដែរ ដោយនាងបានជម្នះរាល់ភាពលំបាក សាងកេរ្តិ៍ឈ្មោះជាថ្មីយ៉ាងជោគជ័យ។

ជាក់ស្តែង កាលពីថ្ងទី ១៦ ខែកញ្ញា ឆ្នាំ ២០២៤ កន្លងទៅនេះ ផេកខេក បានរៀបចំកម្មវិធីខួបកំណើតយ៉ាងធំដុំនៅឯ Sky Bar មួយកន្លែងក្នុងទីក្រុងភ្នំពេញ ដោយមានការចូលរួមពីសំណាក់សិល្បករ សិល្បការិនី មិត្តភក្តិ ក្រុមគ្រួសារ និង មនុស្សជាទីស្រឡាញ់ទៀតផង។

ក្នុងនោះ មហាជនបានសរសើរដល់ ផេកខេក ថា នាងធ្លាប់ជាមនុស្សធ្លាក់ដល់ចំណុចសូន្យ ប៉ុន្តែពេលនេះ ព្រោះការប្រឹងប្រែង នាងអាចបង្ហាញស្នាមញញឹមពោរពេញដោយសុភមង្គល​ ប្រឹងក្រោកឈរឡើងវិញដោយកម្លាំងញើសឈាមខ្លួនឯង៕