តារាស្រីវាសនាខ្ពស់! Due និង Pang បានប្តីសុទ្ធតែវណ្ណៈអភិជន មានត្រកូលដូចគ្នាសង្ស័យជាប់ខ្សែស្រឡាយ

នៅក្នុងសិល្បៈរបស់ថៃ គេសង្កេតឃើញថាតារាស្រីពីរនាក់ គឺ Due Arisara និង Pang Ornjira កំពុងតែមានវាសនាខ្ពស់ត្រដែតណាស់ ដោយសារតែស្រវាបានស្វាមីជនជាតិគេសុទ្ធតែជាអ្នកជំនួញរកស៊ីកាន់លុយរាប់លានដុល្លារ ព្រមទាំងម្នាក់ៗក៏ទើបតែទទួលបានសមាជិកថ្មីដូចគ្នាទៀតផង។

ក្នុងនោះ Pang ទើបតែបានបញ្ចេញមុខស្វាមីរបស់ខ្លួនជាសាធារណៈថ្មីៗនេះ​ឯង ដោយបានបណ្តើរគ្នាទៅសម្ភោធគ្រោងការអចលនទ្រព្យរបស់ខ្លួនគឺ  ALIYAH RESERVE ។ ស្វាមីរបស់នាងរូបនេះ ត្រូវបានគេដឹងថាឈ្មោះ Lionel Lee ជានាយកប្រតិបត្តិរបស់ក្រុមហ៊ុន ALIYAH ព្រមទាំងជាម្ចាស់គម្រោងអចលនទ្រព្យ ALIYAH RESERVE នេះ មានតម្លៃរហូតដល់ ១៥០០ លានបាតឯណោះ។

​ចំណែកឯ Due វិញ ស្វាមីរបស់នាង គឺលោក Sebastian Lee ក៏ជាសេដ្ឋីវាល់លានមួយរូប ដែលមានមុខជំនួញជាច្រើននៅក្នុងដៃ និង មានឈ្មោះល្បីផងដែរ។ យ៉ាងណាមិញ ថ្មីៗនេះ ក្រោយពីដឹងអត្តសញ្ញាណពិតរបស់ស្វាមីតារាស្រីទាំងពីររួចមក ក៏ធ្វើឱ្យមហាជនជាច្រើនអត់សង្ស័យមិនបានឡើយ ថាសេដ្ឋីទាំងពីររូបនេះ ប្រហែលជាអាចជាប់ខ្សែស្រឡាយញាតិមិត្តជាមួយគ្នា ដោយសារតែអ្នកទាំងពីរមានត្រកូល Lee ដូចគ្នានោះឯង។

ដោយឡែក នេះគ្រាន់តែជាការសង្ស័យរបស់មហាជនប៉ុណ្ណោះ មិនមានប្រភពណាមួយចេញមកបញ្ជាក់នោះទេ។ យ៉ាងណាមិញ ក្រៅពីនេះមហាជនអ្នកគាំទ្រក៏បាននាំគ្នាសរសើរពីសំណាងរបស់តារាស្រីទាំងពីរផងដែរ ព្រោះ​បានស្វាមីសុទ្ធតែជាសេដ្ឋី ថែមទាំងជាស្វាមីដែលយកចិត្តស្រឡាញ់មិនចន្លោះថែមទៀត៕