ក្រោយប្រកាសបែកប្រពន្ធជាផ្លូវការ ពេលនេះ Noly រកបានគូស្នេហ៍ថ្មី បង្ហាញមុខយ៉ាងបើកចំហ
កាលពីថ្ងៃ ០២ ខែវិច្ឆិកា ឆ្នាំ ២០២២ កន្លងទៅនេះ ម្ចាស់បទ «លក់គោយន្ត» លោក Noly បានធ្វើឱ្យមហាជនមានការភ្ញាក់ផ្អើលយ៉ាងខ្លាំង ដោយលោកបានប្រកាសថាបានចែកផ្លូវគ្នានឹងភរិយាហើយ ក្រោយរៀបការបានប្រមាណជាជិត ២ ឆ្នាំ។ កាលនោះ លោក Noly បានប្រកាសជាផ្លូវការដោយរៀបរាប់ជាភាសាអង់គ្លេសថា ៖ «I’m divorced with Naafah for long time ago! So we are not related. Please don’t confuse» ដែលមានន័យថា ៖ «ខ្ញុំបានលែងលះនឹង Naafah ជាយូរមកហើយ! ដូច្នេះពួកយើងគ្មានទំនាក់ទំនងអ្វីនឹងគ្នាទេ។ សូមមេត្តាកុំយល់ច្រឡំ»។
ក្រោយពីស្ពាយឈ្មោះពោះម៉ាយបានមួយរយៈ ថ្មីៗនេះពោលគឺនៅដើមខែធ្នូ ឆ្នាំ ២០២២ តារាចម្រៀង និង ជាអ្នកនិពន្ធខាងលើរូបនេះ កំពុងធ្វើឱ្យអ្នកគាំទ្រចាប់អារម្មណ៍ជាថ្មី ដោយលោកបានបង្ហាញមុខគូស្នេហ៍ថ្មីតាមរយៈការបង្ហោះរូបភាពនៅលើ Story របស់លោក។ ក្នុងនោះ អ្នកលេងបណ្តាញសង្គមហ្វេសប៊ុកក៏បានឃើញថា លោក Noly ក៏បានបើកចំហជាសាធារណៈដោយដាក់ឈ្មោះមិត្តស្រីនៅលើ BIO facebook របស់លោកទៀតផង៕
