ទូច ស៊ុននិច មិនបង្ហាញមុខបច្ចុប្បន្ន តែត្រូវភរិយា ស៊ុក សុភា បង្ហើបរឿងដ៏រំភើបមួយដល់អ្នកគាំទ្រ

ច្រើនឆ្នាំកន្លងមកនេះ អ្នកគាំទ្របានដឹងត្រឹមព័ត៌មានថា បច្ចុប្បន្ន ទូច ស៊ុននិច កំពុងរស់នៅទឹកដីសហរដ្ឋអាមេរិក ប៉ុន្ដែអ្នកនាងពុំធ្លាប់បង្ហាញមុខមាត់ពីស្ថានភាពបច្ចុប្បន្នចែករំលែកដល់មហាជនឡើយ ដោយអតីតតារាចម្រៀងស្រីរូបនេះ ប្រើប្រាស់តែគណនីហ្វេសប៊ុកឈ្មោះ Touch Sunnix បង្ហោះតែរូបចាស់ៗកាលពីមុន និង រៀបរាប់នូវសេចក្ដីនឹករឭកដល់អ្នកគាំទ្រប៉ុណ្ណោះ។

ជាការពិត ទូច ស៊ុននិច ធ្លាប់ជាកំពូលតារាចម្រៀងសំឡេងផ្អែមដ៏ល្បីល្បាញពីអតីតកាល ហើយការបង្ហាញសកម្មភាពនៅលើគណនីហ្វេសប៊ុករបស់នាង បានធ្វើឱ្យមហាជន អ្នកដែលធ្លាប់ស្រឡាញ់គាំទ្រអ្នកនាងកន្លងមក មានក្ដីនឹកនាដល់រៀមច្បងក្នុងវិស័យសិល្បៈរូបនេះជាខ្លាំង ព្រមទាំងចង់ដឹង ចង់ឃើញពីស្ថានភាពសុខទុក្ខរបស់អតីតតារាស្រីរូបនេះណាស់។

ដ្បិតថា ទូច ស៊ុននិច មិនដែលបង្ហាញរូបរាងកាយបច្ចុប្បន្នក៏ពិតមែន ប៉ុន្ដែថ្មីៗនេះ អ្នកនាងជាច្រើនហាក់មានក្ដីរំភើបចិត្តជាខ្លាំង បន្ទាប់ពីបានឃើញអ្នកនាង សារីណា ភរិយារបស់អតីតតារាសម្ដែង ស៊ុក សុភា បានបង្ហើបថា ឆាប់ៗខាងមុខនេះ អតីតតារាចម្រៀង ទូច ស៊ុននិច នឹងមានអ្វីធ្វើឱ្យអ្នកគាំទ្រភ្ញាក់ផ្អើលមិនខាន។

តាមសម្ដីរបស់អ្នកនាង សារីណា ដែលបានឆ្លើយឆ្លងខំមិនរបស់អ្នកគាំទ្របានឱ្យដឹងទៀតថា រឿងរ៉ាវទាំងអស់នេះ គឺជាការបង្ហើបប្រាប់ដោយផ្ទាល់ពីរៀមច្បង ទូច ស៊ុននិច ដែលជាសាមីខ្លួនផ្ទាល់៕