(វីដេអូ) នីកូ ច្រៀងគោកបទសំណព្វចិត្តឪពុកពីរោះខ្លាំង ថែមទាំងព្រលយពីគ្រួសារយ៉ាងកក់ក្ដៅ

នីកូ តារាចម្រៀងប្រុសរូបសង្ហា ដែលជាសំណព្វចិត្តរបស់យុវវ័យ កន្លងមកតែងបង្ហាញខ្លួនធ្វើឱ្យមហាជនអ្នកគាំទ្រញាប់ញ័របេះដូង ជាមួយនឹងស្នាមញញឹមពោរពេញដោយមន្តស្នេហ៍ រូបរាងដ៏ស្រស់សង្ហា ជាពិសេសកូនប្រុសពៅត្រកូល ណុប រូបនេះ មានទឹកដមសំឡេងផ្អែមពីរោះពូកែថ្នមណាស់។

មិនត្រឹមតែធ្វើឱ្យអ្នកគាំទ្រពេញចិត្តពេញថ្លើមចំពោះទេពកោសល្យផ្នែកសិល្បៈ ចំណេះដឹង និង ចរិតឱនលំទោនទេ ប៉ុន្ដែនៅក្នុងរង្វង់គ្រួសារ នីកូ ក៏ជាកូនប្រុសម្នាក់ តែងទទួលបានក្ដីស្រឡាញ់ និង ភាពកក់ក្ដៅពីឪពុកម្ដាយ បងប្អូនផងដែរ។

ថ្មីៗនេះ នីកូ កាន់តែធ្វើឱ្យអ្នកគាំទ្រពេញចិត្ត បន្ទាប់ពីលោកបានច្រៀងគោកនូវបទចម្រៀងបែបមនោសញ្ចេតនាមួយបទក្រោមចំណងជើង «ពីរម៉ាត់យ៉ាងខ្លី» ដែលជាសំនៀងដើមរបស់លោក ហួរ ឡាវី។ អ្វីដែលគួរឱ្យចាប់អារម្មណ៍ នីកូ មិនត្រឹមតែបកស្រាយបទចម្រៀងនេះយ៉ាងពីរោះជក់ចិត្តស្ដាប់មិនជិនណាយទេ លោកថែមទាំងបង្ហើបថា បទនេះគឺជាបទសំណព្វចិត្តរបស់លោកប៉ា ហើយ នីកូ ក៏ចង់ច្រៀងឱ្យលោកប៉ាអ្នកម៉ាក់ស្ដាប់រាល់ថ្ងៃផងដែរ។ សូចចុចទីនេះ ដើម្បីទស្សនាវីដេអូ ៖