(វីដេអូ) លែងលាក់ទុកទៀត! ដេត ស្រីនាឌ ចេញមុខជាថ្មីទម្លាយផាំងៗទាំងអួលដើម-កលើបញ្ហាធ្វើឱ្យនាងពហិការមិនប្រកួត MPI 2024
ពិតណាស់ ជុំវិញរឿងរ៉ាវដែលបវរកញ្ញា ដេត ស្រីនាឌ ប្រកាសពហិការមិនចូលរួមប្រកួត MPI 2024 បន្ត កាលពីថ្មីៗកន្លងទៅនោះ មកទល់ពេលនេះ នៅមិនទាន់ស្ងប់ស្ងាត់ឡើយ ដោយឃើញថាលើបណ្ដាញសង្គមក៏នៅមានមហាជនអ្នកគាំទ្រវិស័យបវរកញ្ញាជាច្រើនបន្តបញ្ចេញមតិវែកញែកខ្លាំងលើបវរកញ្ញារូបនេះ ដ្បិតតែនាងបានចេញវីដេអូបកស្រាយរួមម្ដងហើយមែន។
ដោយឡែក ថ្មីៗនេះ អ្វីកាន់តែធ្វើឱ្យមហាជនអ្នកគាំទ្រវិស័យបវរកញ្ញាកំពុងចាប់អារម្មណ៍វែកញែកជាថ្មី ខណៈបានស្ដាប់នូវកិច្ចសម្ភាសរបស់ ដេត ស្រីនាឌ ក្នុងកម្មវិធី «សខ្មៅ» ដែលនាងបាននិយាយរៀបរាប់នូវរឿងរ៉ាវជាច្រើនទាក់ទងនឹងការប្រកួតកម្មវិធី MPI 2024 និង បកស្រាយហេតុផលនៃបញ្ហាផ្សេងៗដែលធ្វើឱ្យនាងសម្រេចពហិការមិនបន្តការប្រកួតទៀត។
ក្នុងនោះ តាមរយៈការរៀបរាប់របស់ ដេត ស្រីនាឌ ក្នុងវីដេអូកិច្ចសម្ភាសនេះ ដែលនាងបានទម្លាយនូវបញ្ហាប៉ុន្មានចំណុចធំៗរបស់កម្មវិធីធ្វើឱ្យនាងមិនពេញចិត្ត និង អន់ចិត្តខ្លាំងជាមួយកម្មវិធីប្រកួត ៖
– រឿងរ៉ាវនៅអំឡុងពេលធ្វើកម្មវិធីនៅឯខេត្តសៀមរាប នាងទទួលបានការមិនឱ្យតម្លៃខ្លាំងពីខាងកម្មវិធី ខណៈពេលត្រូវថតឈុតតំណាងជាតិនៅប្រាសាទអង្គរវត្ត នាងត្រូវបានស្ដីបន្ទោសខ្លាំងពីកម្មវិធីដោយគិតថានាងជាម្ចាស់ផ្ទះទៅយឺត ប៉ុន្តែពេលនោះនាងធ្វើតាមតែអ្នកចំកម្មវិធី និង ក៏មានហេតុផលពេលធ្វើដំណើរទៅយឺតបន្តិច ព្រោះមានបងប្អូនខ្មែរស្រឡាញ់ចូលចិត្តឈុតតំណាងជាតិខ្មែរ និង បានសុំនាងថតរូបផងដែរ។
– ពាក្យសម្ដីបន្ទោសពីខាងកម្មវិធីធ្វើឱ្យនាងអន់ចិត្តខ្លាំង គឺត្រង់ចំណុចកម្មវិធីចង្អុលមុខនាង ហើយបង្រៀនឱ្យនាងនិយាយថា «អ្នកឯងគួរតែនិយាយថាទេពេលដែលគេសុំថតរូប» ដែលធ្វើឱ្យនាងគិតថាហេតុអីក្នុងនាមជាបវរកញ្ញាតំណាងប្រទេសកម្ពុជា ឈរលើទឹកដីរបស់នាង គឺនាងមិនអាចនិយាយបែបនេះដាក់ប្រជាជនរបស់នាងបានទេ។
– កម្មវិធីមិនមានតម្លាភាពសម្រាប់នាង ដោយសារតែរាល់ដំណើរប្រកួតផ្សេងៗ នាងហាក់រងសម្ពោធខ្លាំងទាំងដែលនាងជាម្ចាស់ផ្ទះ ប៉ុន្តែមិនសូវទទួលការឱ្យតម្លៃ តែងទទួលបានពាក្យសម្ដីបន្ទោសដូចសត្វមុខគេមុខឯង ធ្វើអ្វីក៏ខុស ហើយបែរជាបវរកញ្ញាផ្សេងទោះគេមិនធ្វើអ្វីសោះក៏នៅតែត្រូវ មិនដែលមានការស្ដីបន្ទោស មានតែកម្មវិធីឱកក្រសោបលួងលោមគេថែមទៀត។
– លើសពីនេះ អ្វីដែលជាហេតុផលធំបំផុតរបស់នាងក្នុងការសម្រេចចិត្តដកខ្លួន គឺត្រង់ចំណុចដែលនាងឃើញថាកម្មវិធីបានរៀបចំទុកមុន ដូចជារឿងដែលកម្មវិធីមាន Winner រហូតដល់ទៅ ២ នាក់ ដែលនាងទទួលយកមិនបាន ព្រោះពុំដែលឃើញកម្មវិធីណាដែលមានម្ចាស់មកុដ ២ បែបនេះទេ ដែលធ្វើឱ្យនាងគិតថាប្រកួតដើម្បីអ្វីទៀត ឬគ្រាន់តែជាការប្រកួតដើម្បីអមឆាកដាក់ឱ្យល្អមើលប៉ុណ្ណោះ ព្រោះនាងបានឃើញទិដ្ឋភាពនៃពីក្រោយកម្មវិធីមុនអស់ហើយ៕
សូមចុចទីនេះដើម្បីទស្សនាវីដេអូ៖
សូមចុចទីនេះដើម្បីទស្សនាវីដេអូ៖
សូមចុចទីនេះដើម្បីទស្សនាវីដេអូ៖
សូមចុចទីនេះដើម្បីទស្សនាវីដេអូ៖
