ស្អាត ឆ្លាត ពូកែ មានប្តីល្អ ឯម្តាយក្មេកក៏ចិត្តបាន! តួនាង ចាង ស៊ីឈី កំពុងផ្ទុះល្បីខ្លាំង និងមានគេចង់បានជីវិតដូច
មួយរយៈចុងក្រោយនេះ ចាប់អារម្មណ៍ឃើញអ្នកនិយមលេងនៅលើបណ្តាញសង្គមហ្វេសប៊ុក និង Tiktok បានផ្ទុះការតាមដានខ្លាំងទាក់ទងនឹងតួស្រី Jiang Shi Qi សម្ដែងក្នុងរឿងខ្លី ដែលជាតួឯកស្រីកំពូលសំណាង និង ជានារីជោគជ័យដែលតែងទទួលបានស្នេហាសមប្រកបពេញដោយសុភមង្គល ធ្វើឱ្យទស្សនិកជនជាច្រើន ពិសេសមិត្តនារីៗបានទស្សនារឿងខ្លីដែលនាងសម្តែងហើយ ម្នាក់ៗតែងប្រាថ្នាចង់បានវាសនាដូចនាង។
យ៉ាងណាមិញ ថ្ងៃនេះទស្សនិកជននឹងបានស្គាល់កាន់តែច្បាស់អំពីតួឯកស្រីកំពូលសំណាង Jiang Shi Qi ក្នុងរឿងខ្លីៗ ដែលកំពុងទទួលបានប្រជាប្រិយខ្លាំង ចាប់តាំងពីនាងបានចូលប្រឡូកក្នុងឆ្នាំ ២០២០ និង មានភាពជោគជ័យខ្លាំងនៅក្នុងឆ្នាំ ២០២២ កន្លងទៅ។
Jiang Shi Qi កើតនៅឆ្នាំ ១៩៩៩ មានអាយុ ២៤ ឆ្នាំហើយ បច្ចុប្បន្នរស់នៅក្នុងទីក្រុងប៉េកាំង គឺជាតារាស្រីក្រោមការគ្រប់គ្រងរបស់ក្រុមហ៊ុន MCN Silver Land។ ភាគច្រើននាងសម្ដែងក្នុងរឿងភាគខ្នាតខ្លី បើទោះជានាងនៅវ័យក្មេងក៏ដោយ ប៉ុន្តែនាងបានស្រូបទាញប្រជាប្រិយភាពក្នុងការគាំទ្រយ៉ាងខ្លាំងពីសំណាក់អ្នកតាមដានរបស់នាងនៅលើ Douyin ជាង ២០ លាននាក់ រាល់វីដេអូរបស់នាងទាំងអស់គឺមានការគាំទ្រខ្លាំង និង មានភាពលេចធ្លោជាងគេ៕
