(វីដេអូ) សន្យា បេក្ខជន Top10 រដូវកាលទី ១ ស្រាយចម្ងល់អ្នកគាំទ្រ រឿងកម្មវិធី MasterChef សម្តែង

ស្របពេលការកើនឡើងអ្នកគាំទ្រ ក្នុងការទស្សនាកម្មវិធីប្រកួតធ្វើម្ហូប MasterChef Cambodia រដូវកាលទី ៣ ក៏ព្រោះតែបេក្ខជនចូលរួមសុទ្ធសឹងតែមានសមត្ថភាពនោះ ក៏មានអ្នកទស្សនាបានចាប់អារម្មណ៍នៅអត្តចរិតរបស់បេក្ខជនម្នាក់ៗជាខ្លាំង និង មានការលើកឡើងថា អាចជាការរៀបចំរបស់កម្មវិធី។

ជាការពិត ចង្ក្រាន្តបាយ MasterChef កាន់តែកើនកម្ដៅខ្លាំងឡើងៗពីមួយសប្តាហ៍ទៅមួយសប្ដាហ៍ ដោយមានទាំងសប្បាយ ទាំងរំភើប ទាំងសោកសៅ និង ឈានដល់ការឌឺដងពាក្យសម្តីរវាងបេក្ខជន និង បេក្ខជនទៀតផង។ ចំណុចនេះដែរ ក៏ធ្វើឱ្យអ្នកទស្សនាខ្លះលើកឡើងថាជាការពិត និង ខ្លះថាការសម្តែងទៅវិញ។

ជាក់ស្តែង ថ្មីៗនេះ បេក្ខជន Top 10 របស់កម្មវិធី MasterChef Cambodia រដូវកាលទី ១ អ្នកនាង សន្យា បានចេញមកឆ្លើយតបនូវសំណួររបស់អ្នកគាំទ្រម្នាក់ ដោយសួរទៅកាន់អ្នកនាងថា៖​ «គេថា កម្មវិធី MasterChef ជាកម្មវិធីសម្តែងមែនទេបង?»។

ភ្លាមនោះ អ្នកនាង សន្យា បានឆ្លើយតបទាំងអស់សំណើចថា៖ «អត់ទេ! មិនមែនសម្តែងទេ បើពួកគាត់សម្តែង គាត់ទៅសម្តែងហើយ មិនមែនមកធ្វើម្ហូប បែកញើសបែបហ្នឹងទេ»។ អ្នកនាង បន្តទៀតថា ៖ «ប្រហែលជាអ្នកទស្សនាមើលទៅដូចជា Drama ពេកហើយ បានគិតថាគឺជាការសម្តែងនោះ តែមិនមែនទេ គឺជាការពិត»៕

សូមចុចទីនេះ ដើម្បីទស្សនាវីដេអូ៖