មិនត្រឹមអធិប្បាយល្អទេ តែស្រីស្រស់ Mara Aduino ត្រាប់សំឡេងតាម Hero ក្នុង MLBB កាន់តែផ្ទុះចាប់អារម្មណ៍ខ្លាំង
ព្រឹត្តិការណ៍ប្រកួតកីឡាអេឡិចត្រូនិក Mobile Legend Southeast Asia Cup 2023 ដែលកម្ពុជាធ្វើជាម្ចាស់ផ្ទះ បានដំណើរការយ៉ាងរលូន ដោយមានការចូលរួមពីក្រុមកីឡាករកំពូលៗមកពីបណ្ដាប្រទេសក្នុងអាស៊ីអាគ្នេយ៍។ លើសពីនេះទៅទៀតនោះក្រុម ONIC ដែលជាក្រុមមកពីប្រទេសឥណ្ឌូនេស៊ី ជាអ្នកលើកពានក្នុងឆ្នាំ ២០២៣ នេះ។
យ៉ាងណាមិញ ក្នុងព្រឹត្តិការណ៍ MSC ២០២៣ ថ្មីៗកន្លងទៅនេះ ក្រៅពីចាប់អារម្មណ៍តាមដានពីដំណើរការនៃការប្រកួតយ៉ាងស្វិតស្វាញនោះ មហាជនអ្នកគាំទ្រក៏បានចាប់អារម្មណ៍ជាខ្លាំងចំពោះពិធីការិនីដែលបាននិយាយក្នុងដំណើរការប្រកួត ជាជនជាតិហ្វីលីពីន មានឈ្មោះថា Mara Aduino ផងដែរ ដោយនាងទទួលការសរសើរជាខ្លាំងជាមួយនឹងរូបសម្រស់ស្រស់ស្អាតរបស់នាង ជាពិសេសវោហារស័ព្ទជាពិធីការិនីក្នុងភាសាអង់គ្លេសបានល្អទាក់ទាញយ៉ាងខ្លាំង។
នាង Mara Aduino មិនត្រឹមតែជាពិធីការិនីដ៏ឆ្នើមដែលទទួលបានការកោតសរសើរពីមហាជនតែប៉ុណ្ណោះនោះទេ ថ្មីៗនេះ យោងតាមគណនី Tiktok របស់ពិធីករលោក Thy Rabie បានបង្ហោះវីដេអូរបស់ Mara បាននិយាយត្រាប់តាមសំឡេងរបស់ Hero មួយចំនួន ព្រមទាំងពោលនូវឃ្លាឃ្លោងល្បីៗជាច្រើនក្នុងហ្គេម Mobile Legend Bang Bang បានយ៉ាងល្អ សឹងដូចទៅនៅសំឡេងអ្នកបញ្ចូលតែម្ដង។
មិនតែប៉ុណ្ណោះ ក៏មានអ្នកគាំទ្រមួយចំនួនបានលើកឡើងដែរថា សង្ឃឹមថានាពេលអនាគត Mara នឹងអាចក្លាយជាអ្នកបញ្ចូលសំឡេងក្នុង MLBB សម្រាប់ Hero ណាមួយផងដែរ៕ ចង់ជ្រាបកាន់តែច្បាស់ សូមចុចទីនេះដើម្បីទស្សនាវីដេអូ
