(វីដេអូ) ខាយ មានឱកាសច្រៀងរួមគ្នានឹងតារាជើងចាស់ ហួរ ឡាវី លើកដំបូង ក៏ពោលពាក្យរំភើបមិនឈប់
ដូចមហាជនបានជ្រាបមកហើយថា តារាចម្រៀង Original Song លោក ខាយ មិនត្រឹមតែមានទេពកោសល្យច្រៀងតែម្យ៉ាងនោះទេ តែលោក៏ជាតារាសម្តែងមួយរូបដ៏មានសមត្ថភាព និង ស្រស់សង្ហាថែមទៀតផង។
កន្លងមកមហាជន ក៏ធ្លាប់បានស្តាប់មកហើយបទចម្រៀងថ្មីៗ ដែលជាការនិពន្ធទំនុកភ្លេង និង ទំនុកច្រៀងពីលោក ខាយ ដោយផ្ទាល់ តែក្នុងនោះ តារាប្រុសស្រស់សង្ហា ខាយ ក៏តែងជ្រើសរើសបទចម្រៀងពីរោះៗទាំងជាតិ និង អន្តរជាតិមក Cover ផងដែរ ជាពិសេសនោះ គឺបទចម្រៀងពីដើមតែម្តង។
យ៉ាងណានៅក្នុងកម្មវិធី PMA 2023 កាលពីពាក់កណ្តាលខែមីនា ឆ្នាំ ២០២៣ កន្លងទៅ អ្នកគាំទ្រក៏បានទស្សនានៃការសម្តែងរបស់លោក ខាយ ជាមួយនឹងវីរៈសិល្បករផ្នែកចម្រៀងដ៏ល្បីល្បាញ គឺលោក ហួរ ឡាវី ដែរ ដោយតារាចម្រៀងល្បីទាំង ២ ជំនាន់ បានបកស្រាយចម្រៀងរួមគ្នាមានចំណងជើងថា «អាណែតមាសបង»។
ក្រោយពីការសម្តែងផ្ទាល់រំលងបានប្រហែលជាជាងកន្លះខែ ស្រាប់តែនៅថ្ងៃទី ០៨ ខែមេសា ឆ្នាំ ២០២៣ លោក ខាយ បានចេញមកបង្ហោះវីដេអូ អមនឹងសារដ៏មានអត្ថន័យនៃការចង់ចាំដ៏ល្អរបស់លោក ដែលបានឡើងសម្តែងនឹងលោក ហួរ ឡាវី ថា ៖ «ជាកិត្តិយស ក្តីសោមនស្សរីករាយ និង គួរជាទីចងចាំ ដែលពួកយើងបានប្រគំបទ «អាណែតមាសបង» រួមជាមួយលោកគ្រូ ហួរ ឡាវី ផ្ទាល់ នៅក្នុងកម្មវិធី Pleng Muisc Award 2023។ សូមចែករំលែកសំឡេងតន្ត្រីរបស់ពួកយើង រួមនឹងលោកគ្រូ ដល់អ្នកទាំងអស់គ្នា។ PMA 18/03/23»៕
