ជានារីតែរឹងមាំ! កីឡាការិនីគុនខ្មែរ ទូច ចាន់វត្តី ស្អាត ឆ្លាត ពូកែ ឯសម្រស់វិញមិនចាញ់តារាម៉ូដែល

ប្រិយមិត្តអ្នកនិយមស្នេហាវិស័យប្រដាល់គុនខ្មែរ ច្បាស់ជាបានស្គាល់កីឡាការិនី ទូច ចាន់វត្តី ដែលរូបគេជាម្ចាស់មេដាយមាសទម្ងន់ ៥៤ គីឡូ លើវិញ្ញាសាគុនខ្មែរ ក្នុងព្រឹត្តិការណ៍កីឡាអាស៊ីអាគ្នេយ៍លើកទី ៣២ ឆ្នាំ ២០២៣ កម្ពុជាធ្វើជាម្ចាស់ផ្ទះ ជាចំណុចដែលធ្វើឱ្យមហាជនកម្ពុជាទទួលស្គាល់ពីសមត្ថភាពដ៏អស្ចារ្យរបស់នាង ដែលបានខិតខំប្រឹងប្រែងវាយដណ្ដើមមេដាយមាសជូនប្រទេសជាតិ។

ក្រៅពីល្បីល្បាញថាជាកីឡាករដែលយកបាននូវមេដាយមាសជូនជាតិមាតុភូមិ ទូច ចាន់វត្តី ក៏ត្រូវបានមហាជនអ្នកប្រើប្រាស់បណ្ដាញសង្គមនាំគ្នាផ្ទុះការចាប់អារម្មណ៍ទៅលើសម្រស់របស់នាងផងដែរ ថាជាកីឡាការិនីគុនខ្មែរ ដែលមានសម្រស់ស្រស់ផូផង់ ស្អាតមិនចាញ់តារាម៉ូដែលប៉ុន្មាននោះឡើយ។

អ្វីដែលកាន់តែគួរឱ្យស្ងើចសរសើរទៅលើកីឡាការិនីវ័យក្មេងរូបស្រស់នេះ គឺរូបគេទទួលបានក្របខ័ណ្ឌជាមន្ត្រីរាជការ (ទាហាន) មួយរូប ព្រមទាំងទើបតែទិញរថយន្តថ្មីសន្លាងជូនអ្នកមានគុណរបស់ខ្លួន ជាថវិកាដែលខ្លួនរកបានពីវិស័យកីឡាប្រដាល់គុនខ្មែរ បង្ហាញឱ្យឃើញនូវកត្តញូតាធម៌ចំពោះមាតាគួរឱ្យស្ងើចសរសើរ។

ថ្វីដ្បិតតែមមាញឹក ហ្វឹកហាត់កីឡាប្រដាល់គុនខ្មែរ បូករូមការបំពេញការងារក្របខណ្ឌក្ដី តែ ទូច ចន្ទវត្តី បានបំពេញកាតព្វកិច្ចសិក្សាមិនបោះបង់ឡើយ ដោយប្រឡងជាប់ទទួលបានសញ្ញាបត្រមធ្យមសិក្សាទុតិយភូមិ ២០២៣ ដោយជោគជ័យ នាពេលថ្មីៗកន្លងទៅនេះ៕