(វីដេអូ) លោក Nawat ពេញចិត្តទេពកោសល្យ រ៉ាប៊ី ស្ដូក រហូតចង់ឱ្យនាងចូលប្រកួតបវរកញ្ញា
កាលពីថ្ងៃទី ១ ខែកុម្ភៈ ឆ្នាំ ២០២៣ កន្លងទៅ ប្រធាន MGC 2023 បានអញ្ជើញ និង ស្វាគមន៍ ស្ថាបនិក MGI និង ម្ចាស់មកុដ Miss Grand International 2022 កញ្ញា Isabella Menin រួមជាមួយម្ចាស់ផ្ទះកម្ពុជាបវរកញ្ញាឯកលំដាប់រងទី ៥ កញ្ញា ពេជ្រ វត្តីសារ៉ាវឌ្ឍី និង បវរកញ្ញាឯកមីយ៉ាន់ម៉ា កញ្ញា Meme យ៉ាងកក់ក្តៅ ដើម្បីចូលរួមកម្មវិធី 𝗠𝗲𝗲𝘁 𝗔𝗻𝗱 𝗚𝗿𝗲𝗲𝘁 𝗠𝗶𝘀𝘀 𝗚𝗿𝗮𝗻𝗱 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 នៅឯ Hall Aeon Mall Mean Chey ។
ទន្ទឹមនឹងវត្តមាននៃការអញ្ជើញចូលរួមពីប្រធាន MGI និង បវរកញ្ញាជាច្រើនរូបនៅក្នុងកម្មវិធីនារាត្រីនោះ ឃើញថាមិនត្រឹមតែមានការទទួលស្វាគមន៍យ៉ាងកក់ក្តៅពីអ្នកគ្រប់គ្រង MGC នោះទេ តែបើក្រឡេកទៅមើលអ្នកគាំទ្រវិញក៏មានវត្តមានជាច្រើនកុះករដែរ។ ពិសេស អ្វីដែលធ្វើឱ្យអ្នកគាំទ្រស្ទើរទប់ខ្លួនមិននឹងនោះ ខណៈលេចវត្តមានតារាចម្រៀងកម្ពុជា កញ្ញា រ៉ាប៊ី ច្រៀងរួមគ្នានឹងកញ្ញា ពេជ្រ វត្តីសារ៉ាវឌ្ឍី ដែលធ្វើឱ្យអង្រួនលើឆាកនារាត្រីនោះតែម្តង។
យ៉ាងណាមិញ គ្រាន់តែវត្តមានតារាចម្រៀងស្រី កញ្ញា រ៉ាប៊ី ច្រៀងរួមជាមួយ កញ្ញា ពេជ្រ វត្តីសារ៉ាវឌ្ឍី ហើយ ធ្វើឱ្យទាក់ចិត្តប្រធានស្ថានិក MGI ភ្លែត ពោលគឺ លោក Nawat បានលើកឡើងថា លោកពេញចិត្ត កញ្ញា រ៉ាប៊ី ដោយចង់ឱ្យនាងចូលប្រកួតបវរកញ្ញា ក្រោយលោកមើលឃើញថា នាងមានសមត្ថភាពច្រើន ចេះច្រៀងរាំ រូបរាងស្អាត ពិតជាស័ក្តិសមអាចចូលប្រកួតបវរកញ្ញាបាន៕ សូមចុចទីនេះដើម្បីទស្សនាវីដេអូ៖
