ប្រាប់តៗគ្នាផង! ប៉ុន្មានថ្ងៃទៀត ពេទ្យគៀនឃ្លាំងនឹងមានក្រុមគ្រូពេទ្យជំនាញមកពីបារាំង ផ្តល់ជូនការពិនិត្យព្យាបាលលើជំងឺ ៨ មុខ

នៅថ្ងៃទី ០៦ ខែមករា ឆ្នាំ ២០២៥ មជ្ឈមណ្ឌលវះកាត់កុមារ ដែលអ្នកជំងឺហៅថាពេទ្យគៀនឃ្លាំង បានជូនដំណឹងឱ្យបានដឹងថា នឹងមានក្រុមគ្រូពេទ្យបារាំងជំនាញជំងឺត្រចៀក បំពង់ក ច្រមុះ មកពីប្រទេសបារាំង ផ្តល់ជូនការពិនិត្យព្យាបាល និងវះកាត់គ្រប់វ័យ។

ចំពោះការផ្ដល់ជូននេះ គឺចាប់ពីថ្ងៃទី ១៧ ដល់ថ្ងៃទី ២១ ខែកុម្ភៈ ឆ្នាំ ២០២៥ ដែលផ្ដោតទៅលើប្រភេទជំងឺដូចជា ៖

– អ្នកជំងឺមានដុំពក ក ឬ ពក ក

– ដុះសាច់ច្រមុះ

– ឬសដូងច្រមុះ

– ឈាមច្រមុះ

– និយាយស្អក (បញ្ហាបំពង់សំឡេង)

– ដុះសាច់ក្នុងត្រចៀក

– ខ្សោយការស្តាប់សំឡេង

– ធ្លាយក្រដាសត្រចៀក

អាស្រ័យហេតុនេះ សូមអ្នកជំងឺទៅចុះឈ្មោះដើម្បីជួបគ្រូពេទ្យបារាំងនៅថ្ងៃខាងមុខនេះ នៅក្នុងមជ្ឈមណ្ឌលជាតិស្តារលទ្ធភាពពលកម្មគៀនឃ្លំាង ឬ មូលនិធិជនពិការ ផ្លូវ៦អា ភូមិគៀនឃ្លំាង ខណ្ឌជ្រោយចង្វារ រាជធានីភ្នំពេញ។ ក្នុងនោះសូមកុំសួរអ្នករត់ម៉ូតូដុបនៅគៀនឃ្លាំង អ្នកចាំចាប់អ្នកជំងឺនៅតាមផ្លូវមាត់ច្រកចេញចូល នៅក្រៅអគារ អ្នកផ្ញើម៉ូតូ ព្រោះអ្នកទាំងអស់នោះ កំពុងអុសទាញអ្នកជំងឺដើម្បីផលប្រយោជន៏ខ្លួន។ ព័ត៌មានបន្ថែមសូមទំនាក់ទំនងលេខតេឡេក្រាម +85512807679៕