(វីដេអូ) កម្រឃើញណាស់! អ្នកឧកញ៉ា សំអាង វឌ្ឍនៈ កាន់មៃក្រូបង្ហើរសំនៀងផ្ទាល់ ផ្ទុះល្បីពេញ Tiktok

ប្រជាប្រិយភាពរបស់អ្នកឧកញ៉ា សំអាង វឌ្ឍនៈ កាន់តែល្បីសុះសាយ និង ត្រូវបានមហាជនជាច្រើន តាមដានពីជីវិតឯកជនរបស់អ្នកឧកញ៉ា ចាប់តាំងពីអ្នកឧកញ៉ា បង្ហាញវត្តមាននៅក្នុងវគ្គផ្ដាច់ព្រ័ត្ររបស់កម្មវិធីប្រឡងចម្រៀងកម្រិតពិភពលោក Cambodian Idol រដូវកាលទី ៣ មក។

ចាប់តាំងពីពេលនោះមក រាល់សកម្មភាពនានារបស់អ្នកឧកញ៉ា សំអាង វឌ្ឍនៈ តែងទទួលបានការចាប់អារម្មណ៍ស្រឡាញ់ពេញចិត្តពីសំណាក់អ្នកប្រើប្រាស់បណ្ដាញសង្គមហ្វេសប៊ុក និង Tiktok មិនចាញ់អ្នកសិល្បៈល្បីៗនោះទេ រហូតអ្នកគាំទ្រជាច្រើនបានហៅអ្នកឧកញ៉ាថាជា Top5 ទៀតផង។

ទោះបីជាកន្លងមក អ្នកឧកញ៉ា សំអាង វឌ្ឍនៈ ស្រឡាញ់ពេញចិត្ត និង លើកស្ទួយចំពោះសិល្បៈចម្រៀង តែងរៀបចំកម្មវិធីប្រគំតន្រ្តីញឹកញាប់ ប៉ុន្ដែគេកម្រឃើញអ្នកឧកញ៉ាបកស្រាយចម្រៀងផ្ទាល់ខ្លួន ទើបតែថ្មីៗនេះ មហាជនអ្នកគាំទ្រមានការភ្ញាក់ផ្អើល និង ចាប់អារម្មណ៍ជាខ្លាំង ក្រោយឃើញអ្នកឧកញ៉ាបកស្រាយបទចម្រៀង ដែលនេះអាចនិយាយបានថាជាលើកទីមួយដែលឃើញអ្នកឧកញ៉ា កាន់ក្បាលមៃក្រូបកស្រាយបទចម្រៀងដោយផ្ទាល់។ សូមចុចទីនេះ ដើម្បីទស្សនាវីដេអូ ៖