ជិតដល់ថ្ងៃចាក់បញ្ចាំង អេដមីនផេក MasterChef បង្ហើបរឿងក្តៅគគុកខ្លះ ដែលកើតមានឡើងនៅសប្តាហ៍នេះ

ពីមួយសប្តាហ៍ទៅមួយសប្តាហ៍ កម្មវិធី MasterChef Cambodia រដូវកាលទី ៣ កាន់តែទទួលបានការគាំទ្រ និង ទស្សនាកាន់តែច្រើនៗឡើង។ ក្នុងនោះដែរ នៅថ្ងៃទី ២៩ ខែកញ្ញា ឆ្នាំ ២០២៤ ខាងមុខនេះ កម្មវិធី MasterChef Cambodia រដូវកាលទី ៣ បានឈានមកដល់សប្តាហ៍ទី ១៩ ហើយ។

ក្នុងសប្តាហ៍ទី ១៩ ដែលនឹងចាក់បញ្ចាំងនៅថ្ងៃអាទិត្យនេះ អ្នកគាំទ្រកំពុងតែរង់ចាំទស្សនាថា ក្នុងចំណោមបេក្ខជនទាំង ៩ នាក់ តើបេក្ខជនណា ដែលអាចបន្ត និង បេក្ខជនណានឹងត្រូវចាកចេញពីកម្មវិធី។

ដោយឡែក ក្រឡេកទៅមើលផេកផ្លូវការ MasterChef Cambodia វិញ បានធ្វើឱ្យអ្នកគាំទ្រកាន់តែអន្ទះសា ក្រោយ​ពី​អេដមីនដែលកាន់ផេកកម្មវិធីមួយនេះ បានបង្ហោះសារបង្ហើបយ៉ាងក្តៅគគុកថា៖ «ថ្ងៃអាទិត្យនេះ admin បានត្រៀមទឹកសម្រាប់ពន្លត់ភ្លើងផ្ទះបាយច្រើនគួរសមដែរ ព្រោះចាប់ផ្តើមធំក្លិនផ្សែងតាំងពីម្សិលមិញ។ oh my god»៕