ថយត្រជាក់បន្តិច តែកម្ពុជាអាចមានភ្លៀងធ្លាក់ ៣ ថ្ងៃ នៅតាមតំបន់ទាំងនេះ

ក្រសួងធនធានទឹក និង ឧតុនិយម នៅព្រឹកថ្ងៃទី ០៣ ខែមករា ឆ្នាំ ២០២៣ នេះ បានចេញសេចក្តីជូនដំណឹងស្តីពីស្ថានភាពធាតុអាកាស ចាប់ពីថ្ងៃទី ៤ ដល់ថ្ងៃទី ១០ ខែមករា ឆ្នាំ ២០២៣ ឱ្យបានដឹងថា កម្ពុជាទទួលឥទ្ធិពលដូចតទៅ ៖

– ពីថ្ងៃទី ៤-៧ ខែមករា ទទួលឥទ្ធិពលពីជ្រលងសម្ពាធទាបសកម្មពីភាគខាងក្រោមនៃសមុទ្រចិនខាងត្បូង។

– ពីថ្ងៃទី ៨-១០ ខែមករា ទទួលឥទ្ធិពលពីទ្រនុងសម្ពាធខ្ពស់ (ចិន) និង ខ្យល់មូសុងឦសានក្នុងកម្រិតពីខ្សោយទៅមធ្យម។

ស្ថានភាពបែបនេះនឹងធ្វើឱ្យ ៖

១. តំបន់ទំនាបកណ្តាល

– សីតុណ្ហភាពអប្បបរមា មានពី ២១-២៤ °C

– សីតុណ្ហភាពអតិបរមា មានពី ២៨-៣០°C

– នៅថ្ងៃទី ៥-៧ ខែមករា នឹងអាចមានភ្លៀងធ្លាក់នៅក្នុងកម្រិតខ្សោយទៅមធ្យមដោយអន្លើ។

២. តំបន់ខ្ពង់រាប

– សីតុណ្ហភាពអប្បបរមា មានពី ១៨-២១ °C

– សីតុណ្ហភាពអតិបរមា មានពី ២៨-៣០ °C

-នៅថ្ងៃទី ៥-៧ ខែមករា នឹងអាចមានភ្លៀងធ្លាក់នៅក្នុងកម្រិតខ្សោយទៅមធ្យមដោយអន្លើ។

៣. តំបន់មាត់សមុទ្រ

– សីតុណ្ហភាពអប្បបរមា មានពី ២២-២៤ °C

– សីតុណ្ហភាពអតិបរមា មានពី ២៨-៣០ °C

– នៅថ្ងៃទី ៥-៧ ខែមករា នឹងអាចមានភ្លៀងធ្លាក់នៅក្នុងកម្រិតខ្សោយទៅមធ្យមដោយអន្លើ នឹងអាច មានភ្លៀងខ្យល់បក់ពីបង្គួរទៅខ្លាំង។ ឯនៅលើផ្ទៃសមុទ្រ ក៏នឹងកើតមានរលកសមុទ្រពីមធ្យមទៅបង្គួរ ផងដែរ៕

សូមអានសេចក្ដីលម្អិតនៅខាងក្រោម ៖