(វីដេអូ) លេងមួយទំហឹង! រឿន ណាត ស្ពាយឆ្នាំង វែក គោះកងរំពងមុខឆាក MU គាំទ្រ ហង្ស ម៉ានីតា
មហាជនអ្នកគាំទ្រវិស័យបង្ហាញម៉ូដ ច្បាស់ជាបានដឹងមកហើយថា កាលពីថ្ងៃទី ០៨ ខែមករា ឆ្នាំ ២០២៣ កន្លងទៅនេះ Miss Universe Cambodia ៤ ជំនាន់ រួមមាន កញ្ញា រឿន ណាត, កញ្ញា សំណាង អេលីណា, កញ្ញា រ៉េត សារីតា និង កញ្ញា ងិន ម៉ារ៉ាឌី បានចាប់ដៃគ្នាធ្វើដំណើរទៅកាន់ទឹកដីសហរដ្ឋអាមេរិក ដើម្បីផ្ដល់កម្លាំងចិត្តដល់ Miss Universe Cambodia 2022 កញ្ញា ហង្ស ម៉ានីតា ដោយផ្ទាល់។
ដោយឡែក នារាត្រីថ្ងៃទី ១១ ខែមករា ឆ្នាំ ២០២៣ ម៉ោងនៅសហរដ្ឋអាមេរិក និង ត្រូវនឹងព្រឹកថ្ងៃទី ១២ ខែមករា នៅប្រទេសកម្ពុជានេះដែរ បេក្ខភាពបវរកញ្ញាតំណាងឱ្យប្រទេសទាំង ៨៤ បានបង្ហាញសមត្ថភាពលើឆាកប្រកួតដ៏ធំ Miss Universe 2022 នៃវគ្គប្រកួតបឋមហើយ។ ក្នុងនោះ Miss Universe Cambodia ជារៀមច្បងទាំង ៤ ជំនាន់ ក៏មានវត្តមានខាងមុខឆាកប្រកួត ដើម្បីគាំទ្រ និង ផ្តល់កម្លាំងចិត្តដល់សិស្សប្អូនផងដែរ។
ដោយឡែក ក្រឡេកទៅមើល Miss Universe Cambodia 2018 កញ្ញា រឿន ណាត បានធ្វើឱ្យមហាជនភ្ញាក់ផ្អើល និង ហាក់អស់សំណើចមិនតិចនោះដែរ ដោយសិស្សច្បងរូបនេះបានបង្ហាញការគាំទ្រដល់សិស្សប្អូន យ៉ាងសម្បើមរហូត ស្ពាយឆ្នាំង ស្ពាយវែក យកទៅគោះដើម្បីបន្លឺការគាំទ្រដល់ ហង្ស ម៉ានីតា មុខឆាកតែម្តង។
ជាមួយនឹងការគាំទ្រ និង ផ្តល់កម្លាំងចិត្តរបស់ កញ្ញា រឿន ណាត ទៅកាន់កញ្ញា ហង្ស ម៉ានីតា ក៏បានធ្វើឱ្យមហាជនរំភើបចិត្តខ្លាំងណាស់ដែរ ដោយសកម្មភាពទាំងនេះ គឺពិតជាការបង្ហាញនូវក្តីស្រឡាញ់គ្នារវាង Miss Universe Cambodia គ្រប់ជំនាន់៕
