កំពុងផ្ទុះផ្អើល! បុរសថៃម្នាក់ មានមុខមាត់ រូបរាងស្រដៀងនឹង Vin Diesel
បុរសសញ្ជាតិថៃម្នាក់ បានក្លាយខ្លួនជាតារាតាមបណ្ដាញសង្គមដ៏ល្បី ដោយសារតែរូបលោកមានមុខមាត់ស្រដៀងគ្នាទៅនឹងតារាហូលីវូដដ៏ល្បី Vin Diesel។
ដោយសារតែមុខមាត់ និង រូបរាងស្រដៀងគ្នានេះ បុរសថៃរូបនោះ គឺតែងតែធ្វើការតុបតែងខ្លួនឱ្យដូចនឹងតួអង្គរឿង Fast and Furious រូបនោះរាល់ពេលដែលលោកបង្ហោះរូបភាពលើគណនីហ្វេសប៊ុក។ ជាមួយនឹងស្ទីលក្បាលត្រងោល ពាក់អាវយឺតពណ៌ស អង្គុយកាន់ចង្កូតឡាន បុរសថៃរូបនេះ បើក្រឡេកងាកមួយខ្វាច់គឺស្រដៀងនឹង Vin Diesel ខ្លាំងមែនទែន។
គួរបញ្ជាក់ថា បុរសរូបនេះ ផ្ទុះភាពល្បីល្បាញរឿងស្លៀកពាក់ និង អង្គុយថតក្នុងឡានដូចតារាសម្ដែង Vin Diesel តាំងពីឆ្នាំ ២០១៧ មកម្ល៉េះ ហើយរហូតមកទល់បច្ចុប្បន្ន លោកនៅតែបន្តការស្លៀកពាក់ដូច Diesel ដដែល៕
