សេដ្ឋិនីក្នុងពិភពសិល្បៈ! ស្ងាត់ៗ Jun Ji Hyun ជះលុយទិញ Penthouse តម្លៃខ្ទង់លានដុល្លារ
ថ្មីៗនេះ បញ្ជីអ្នកទិញអចលនទ្រព្យដែលបានបញ្ជាក់ពី JoongAng Ilbo បានបង្ហាញថា តារាសម្ដែងស្រី Jun Ji Hyun បានទិញ Ttukseom penthouse ដែលមានតម្លៃខ្ពស់បំផុតដល់ទៅ ៩ ៨១០ ៣០០ ដុល្លារអាមេរិក កាលពីឆ្នាំ ២០២២។
ដោយក្នុងនោះបានបញ្ជាក់បន្ថែមទៀតថា Jun Ji Hyun បានទិញនៅជាន់ទី ៤៧ នៃ Acro Seoul Forest ហើយការទិញនោះត្រូវបានគេរាយការណ៍ថាបានធ្វើនៅខែកញ្ញា ឆ្នាំ ២០២២ ក្នុងតម្លៃ ៩ ៨១០ ៣០០ ដុល្លារអាមេរិក។
ដូច្នេះហើយ ការទិញអាផាតមិនឯកជននេះត្រូវបានគេប៉ាន់ស្មានថាជាការទូទាត់ជាលុយសុទ្ធទាំងអស់មិនមានការបង់រំលស់នោះទេ ហើយតារាស្រីរូបនេះ ក៏បានផ្លាស់ទៅរស់នៅទីនោះផងដែរ បន្ទាប់ពីបានទិញរួចរាល់៕
