(វីដេអូ) អ្នកគាំទ្រស្រឡាំងកាំង ក្រោយឃើញ Tong Tong លុតជង្គង់យំសស្រាក់កណ្ដាលឆាក ក្រោយម្តាយទូរស័ព្ទមក

តាំងពីបែកគ្នាជាមួយអតីតសង្សាររូបស្រស់មក Tong Tong ហាក់នៅមិនទាន់បង្ហាញមុខបំពេញការងារក្នុងសិល្បៈយ៉ាងពេញលេញដូចមុនឡើយ ព្រោះព្យុះភ្លៀងស្នេហ៍របស់ Tong Tong លើកនេះត្រូវបានមហាជនចោមរោមរិះគន់ស្ទើរងើបមុខមិនរួច បន្ទាប់ពីអតីតមិត្តស្រីហែកហួរពីចរិតពិតឱ្យអ្នកគាំទ្របានដឹង។

ដោយឡែក បន្ទាប់ពីសំងំព្យាបាលរបួសផ្លូវចិត្តអស់រយៈពេលជាច្រើនខែមក ពេលនេះ Tong Tong បានបង្ហាញខ្លួនជាបណ្តើរៗដើម្បីឱ្យមហាជនអស់បារម្ភ ហើយ Tong Tong ក៏បានធ្វើកម្មវិធីជួបជុំអ្នកគាំទ្រអបអរថ្ងៃកំណើតរបស់ខ្លួនថែមទៀតផង។

ក្នុងថ្ងៃជួបជុំអ្នកគាំទ្រនោះដែរ អ្វីដែលធ្វើឱ្យមហាជនស្រឡាំងកាំងជាទីបំផុតនោះ គឺ Tong Tong បានលុតជង្គង់សម្រក់ទឹកភ្នែកនៅចំពោះមុខអ្នកគាំទ្រ បន្ទាប់ពីម្តាយរបស់គេបានខល Surprise កូនប្រុសកណ្តាលឆាក។ ម្តាយ Tong Tong បាននិយាយថា ៖ «នេះម៉ាក់និយាយណ៎ាកូន! បានឮម៉ាក់និយាយទេ» ដែលពាក្យមួយឃ្លាដ៏ខ្លីនេះ បានធ្វើឱ្យ Tong Tong ឮហើយយំសស្រាក់ សូម្បីតែអ្នកគាំទ្រក៏រំជួលចិត្តតាមដែរ៕ សូមចុចខាងក្រោមដើម្បីទស្សនាវីដេអូ៖