មកស្គាល់ប្រភេទដើមឈើទាំង ១០ ដែលខ្ពស់បំផុតនៅលើលោក ខ្លះមានកម្ពស់ដល់ ១០០ ម៉ែត្រ

ដើមឈើខ្ពស់ៗបំផុតនៅលើពិភពលោក អាចមានកម្ពស់ដល់ជាង ១០០ ម៉ែត្រ ប៉ុន្តែអ្នកធ្លាប់ចង់ដឹងថា តើដើមឈើណាដែលខ្ពស់ជាងនៅក្នុងបំផុតលោក ហើយវាមាននៅទីណា និង មានកម្ពស់ខ្ពស់បំផុតប៉ុន្មានម៉ែត្រ? ដូចនេះអ្នកអានត្រូវហើយ ព្រោះក្នុងអត្ថបទនេះ គឺជាបញ្ជីនៃប្រភេទដើមឈើខ្ពស់ជាងគេទាំង ១០ នៅលើពិភពលោក ដែលមានកម្ពស់ដល់ទៅជាង ១០០ ម៉ែត្រ។

១. ដើម Coast Redwood

ដើមឈើក្រហមប្រភេទនេះ អាចមានកម្ពស់ដល់ ១១៥,៩២ ម៉ែត្រ និង ជាទូទៅមានឈ្មោះដូចជា Coast Redwood Coastal Redwood និង California Redwood ដែលវាជាដើមឈើមានអាយុកាលយូរអង្វែងពី ១២០០ ទៅ ២២០០ ឆ្នាំ ឬច្រើនជាងនេះ ហើយវាក៏ជាដើមឈើចំណាស់បំផុតនៅលើផែនដីផងដែរ។ លើសពីនេះទៀត ដើមនេះដុះតាមធម្មជាតិក្នុងផ្ទៃដីប្រមាណ ៨១០,០០០ ហិកតានៅតាមឆ្នេរសមុទ្ររដ្ឋកាលីហ្វ័រញ៉ា និង នៅភាគអាគ្នេយ៍នៃសហរដ្ឋអាមេរិក។​

២. ដើម Yellow Meranti

Yellow Meranti ត្រូវបានរកឃើញនៅក្នុងតំបន់អភិរក្ស Danum Valley ក្នុង Sabah នៅលើកោះ Borneo ដែលត្រូវបានគេស្គាល់ថាជាដើមឈើខ្ពស់ជាងគេនៅទ្វីបអាស៊ី ព្រោះកាលពីថ្ងៃទី ៦ ខែមករា ឆ្នាំ ២០១៩ ការវាស់គឺមាន ១០០,៨ ម៉ែត្រ។

៣. ដើម Mountain Ash
វាមានដើមកំណើតនៅរដ្ឋ Tasmania និង Victoria នៃប្រទេសអូស្ត្រាលី ដែលជាដើមឈើត្រង់ខ្ពស់មានសំបកពណ៌ ស ត្នោត គ្រើមនៅគល់ មានកញ្ចុំផ្កាចន្លោះពី ៩ ដល់ ១៥ ជាមួយនឹងផ្កាពណ៌ ស និង ផ្លែឈើរាងដូចជាពែង ដែលមានកម្ពស់ខ្ពស់បំផុត ១០០.៥ ម៉ែត្រ។

៤. ដើម Coast Douglas-fir

Douglas-fir គឺជារុក្ខជាតិបៃតងមានដើមកំណើតនៅភាគខាងលិចនៃរដ្ឋ British Columbia ប្រទេសកាណាដា ភាគនិរតីនៃរដ្ឋកាលីហ្វ័រញ៉ា សហរដ្ឋអាមេរិក និង ភាគខាងលិចនៃអាមេរិកខាងជើង ដែលមានកម្ពស់ ៩៩.៧ ម៉ែត្រ។

៥. ដើម Sitka Spruce

Sitka spruce ជាដើមឈើបៃតងដ៏ធំមួយមានកម្ពស់រហូតដល់ ១០០ ម៉ែត្រ ដែលឈ្មោះរបស់វាគឺបានមកពីសហគមន៍ Sitka នៅភាគអាគ្នេយ៍នៃរដ្ឋអាឡាស្កា ដោយមានកម្ពស់ ៩៦.៧ ម៉ែត្រ។

៦. ដើម Giant Sequoia

Sequoia ជាប្រភេទដើមឈើដុះតាមធម្មជាតិ តែតាមចង្អូរលើជម្រាលភ្នំភាគខាងលិចនៃ Sierra Nevada ក្នុងរដ្ឋកាលីហ្វ័រញ៉ា ដែលមានកម្ពស់ ៩៦.៣ ម៉ែត្រ។

៧. ដើម Manna Gum

ដើមកៅស៊ូ Manna ជាប្រភេទដើមឈើតូចខ្ពស់ ដែលមានដើមកំណើតនៅភាគអាគ្នេយ៍នៃប្រទេស អូស្ត្រាលី ហើយមានសំបករលោង ស្លឹករាងកោង និង មានកម្ពស់ ៩២ ម៉ែត្រ។

៨. ដើម Southern Blue Gum

ដើមនេះជា ប្រភេទដើមឈើបៃតង ដែលមានកម្ពស់ ៩០.៧ ម៉ែត្រ មានដើមកំណើតនៅភាគអាគ្នេយ៍នៃប្រទេស អូស្រា្តលី។

៩. ដើម Noble Fir

Noble fir មានដើមដុះតាមជួរភ្នំ Cascade និង ជួរភ្នំតាមឆ្នេរសមុទ្រនៃភាគពាយ័ព្យនៃរដ្ឋ California និង ភាគខាងលិចនៃរដ្ឋ Oregon ហើយ Washington ក្នុងសហរដ្ឋអាមេរិក ដែលមានកម្ពស់ ៨៩.៩ ម៉ែត្រ។

១០. ដើម Dinizia Excelsa

Dinizia excelsa ជាប្រភេទដើមឈើព្រៃត្រូពិច ដែលមានដើមកំណើតនៅអាមេរិកខាងត្បូង ប្រេស៊ីល និង ហ្គីយ៉ាណា ដែលមានកម្ពស់ ៨៨.៥ ម៉ែត្រ៕

ប្រភព៖ Infos-10