ស្រ្តីឆ្នើមប៉ះបុរសពូកែ! ស្វាមីម្ចាស់មកុដ MUC 2024 ជាបុរសពូកែ ខ្លាំង មានសមត្ថភាព រីឯការសិក្សាក៏ខ្ពស់

ប្រិយមិត្តសុទ្ធតែបានដឹងមកហើយថា ប្រាសាទ ដាវីន ម្ចាស់មកុដ MUC 2024 មានស្វាមី និង កូនស្រីម្នាក់ ថ្វីបើកន្លងមក នាងមិនទាន់បង្ហាញរូបភាពរៀបការក្តី។ ជាក់ស្តែង នៅថ្ងៃបំពាក់មកុដនៅលើឆាក យើងក៏ឃើញស្វាមីរបស់នាងឡើងទៅអបអរសាទរ និង ផ្តល់ស្នាមថើបដល់នាងផងដែរ។

ស្វាមីរបស់ ប្រាសាទ ដាវីន មានឈ្មោះថា Tim Grintal លោកមានស្រុកកំណើតមកពីទីក្រុង Ljubljana រដ្ឋធានីរបស់ប្រទេសស្លូវេនី។ តាមរយៈគណនី LinkedIn បច្ចុប្បន្ន លោកជានាយកគ្រប់គ្រងផ្នែកទីផ្សារនៅធនាគារ វីង។ លោកបានបញ្ចប់ថ្នាក់បរិញ្ញាបត្រផ្នែកធុរកិច្ចអន្តរជាតិពី ERUDIO IZOBRAŽEVALNA SKUPINA។ លោកក៏ទទួលបានវិញ្ញាបនបត្របន្ថែមនៅក្នុង Unconscious Bias ពី LinkedIn ក្នុងឆ្នាំ ២០២១ និង ក្នុងការបង្កើតចំណាប់អារម្មណ៍ដំបូងដ៏អស្ចារ្យពី LinkedIn ក្នុងឆ្នាំ ២០២០។

លោកបានប្រឡូកការងារច្រើនកន្លែងតាំងពីនៅក្នុងប្រទេសរបស់លោក រហូតមកដល់កម្ពុជា។ លោកមានជំនាញទៅលើការលក់ ធ្វើទីផ្សារ និង បច្ចេកវិទ្យា។​ លោកធ្លាប់ធ្វើការជាមួយក្រុមហ៊ុនយីហោលំដាប់អន្តរជាតិជាច្រើនដូចជា Lamborghini, Samsung, Guinness, Carlsberg, Starbucks, Hongkong Land និង Danone…ជាដើម។ អាចនិយាយបានថា ប្រាសាទ ដាវីន មិនត្រឹមតែជាស្ត្រីខ្លាំងប៉ុណ្ណោះទេ តែនាងក៏ជាស្ត្រីមានសំណាង ដែលបានស្វាមីជាមនុស្សពោរពេញទៅដោយសមត្ថភាពផងដែរ៕