ទើបអាយុ ២២ ឆ្នាំ Billkin កាន់ជំនួញធំ អាចរកលុយចំណេញវាល់លាន ក្លាយជាសេដ្ឋីទាំងវ័យក្មេង

ប្រិយមិត្តដែលនិយមទស្សនារឿង BL បុរសស្រឡាញ់បុរស ច្បាស់ជាស្គាល់ជាក់ជាមិនខានតារាសម្ដែងប្រុសវ័យក្មេង Billkin ដែលមានឈ្មោះពេញថា Putthipong Assaratanakul ជាតារាប្រុសម្នាក់កំពុងតែល្បីកក្រើកនៃបណ្ដាយុវ័យសម័យថ្មី។ ចាប់តាំងតែប្រឡូកចូលសិល្បៈមក តារាប្រុសរូបនេះគឺមានហ្វេនៗគាំទ្រខ្លាំងមិនថាក្នុង និង ក្រៅប្រទេសនោះទេ។

បច្ចុប្បន្នតារាប្រុសរូបសង្ហារូបនេះ មានអាយុ ២២ ឆ្នាំហើយ។ ថ្វីដ្បិតតែអាយុតិច ទើបប្រឡូកចូលសិល្បៈក៏ពិតមែន តែសម្រាប់តារាប្រុសរូបនេះ ក្នុងមួយឆ្នាំៗកើបបានប្រាក់ចំណូលរាប់លានដុល្លាររហូតធ្វើឱ្យតារាប្រុស Billkin ជាប់ឈ្មោះជាសេដ្ឋីវ័យក្មេង។

ជាទូទៅគេឃើញថា គ្រាន់តែការស្លៀកពាក់តែងខ្លួនរបស់ Billkin គឺត្រូវចំណាយលុយសុទ្ធតែខ្ទង់ម៉ឺនដុល្លារឯណោះ។ អាចនិយាយបានថា Billkin ជាតារាប្រុសម្នាក់លេងជាមួយនឹងសម្ភារនិយម មិនថាឡាន ឬ របស់របរសុទ្ធសឹងតែមានតម្លៃថ្លៃខ្លាំង ហើយប្រេនល្បីទាំងអស់។

មិនត្រឹមប៉ុណ្ណោះ តារាប្រុសរូបនេះក្រៅពីទេពកោសល្យសិល្បៈ ច្រៀង រាំ សម្ដែង អ្នកកំលោះហាយសូររូបនេះ ក៏មានជំនួញកាន់ក្នុងដៃដោយខ្លួនឯងផងដែរ គឺលោកបានបើកក្រុមហ៊ុនលក់អាហារបំប៉នដែលជាជំនួញផ្ដើមពីគំនិតខ្លួនឯងសុទ្ធសាធ ហើយក៏ទទួលបានប្រាកចំណូលរាប់លានដុល្លារដូចគ្នា ដែលនាំឱ្យជីវិតតារាប្រុសរូបនេះដេកលើគំនរទ្រព្យដ៏ច្រើនមហាសាល ហើយបើនិយាយពីគ្រួសារវិញ គឺជាអ្នកមានជាប់ឈ្មោះជាសេដ្ឋីតាំងតែពីដូនតា​មកម៉្លេះ៕