ថ្ងៃខួបកំណើត Nadech ឆ្នាំនេះ មើលទៅសាមញ្ញៗតែមានក្តីសុខណាស់
នៅថ្ងៃទី ១៧ ខែធ្នូ ឆ្នាំ២០២២ គឺជាថ្ងៃខួបកំណើតអាយុ ៣១ឆ្នាំ របស់តារាសម្ដែងប្រុសសង្ហា Nadech Kugimiya បានឃើញថា នៅលើបណ្តាញសង្គមរបស់ក្រុមអ្នកគាំទ្រតារាប្រុសរូបនេះមានក៏បង្ហោះសារជូនពរដល់លោកជាច្រើន ក្នុងថ្ងៃពិសេសមួយនេះ។
ហើយក្នុងនោះដែរ ក៏បានឃើញការបង្ហោះសារ ក៏ដូចជារូបថតនៅលើបណ្តាញសង្គម Instagram របស់តារាសម្ដែងស្រី Yaya Urassaya ដែលជាគូស្នេហ៍បណ្តូលចិត្តរបស់ Nadech ផងដែរមិនអាចអាក់ខានឡើយ។
ដោយតារាស្រីរូបនេះ បានសរសេរជាសារជូនពរខ្លីថា៖ «រីករាយថ្ងៃខួបកំណើតម្ចាស់ស្នេហ៍របស់ខ្ញុំ» និងបានរៀបចំនំខេកក្នុងថ្ងៃកំណើតឱ្យ Nadech យ៉ាងគួរឱ្យស្រឡាញ់ គឺជារូបដាយណូស័រមួយគូ មើលទៅសាមញ្ញបន្តិចមែន ប៉ុន្តែកាន់តែធ្វើឱ្យចំណងស្នេហារបស់អ្នកទាំងពីរមានភាពផ្អែមល្ហែម និង សេចក្តីសុខខ្លាំង៕
