(វីដេអូ) មិននឹកស្មាន ជីមមី និង ពិធីករថៃ Woody ស្និទ្ធគ្នាខ្លាំង រហូតបញ្ចេញកាយវិការស្អិតល្មួតនឹងគ្នាឡើង

ជាការពិតណាស់ មហាជនអ្នកគាំទ្រពិធីការិនី ជីមមី ម៉េង ច្បាស់ជាបានជ្រាបមកហើយពីប្រជាប្រិយភាពរបស់នាងក្នុងវិស័យសិល្បៈ ព្រមទាំងទទួលបានការរាប់អានដោយក្តីស្រឡាញ់ពីសំណាក់មហាជន និង មិត្តក្នុងសិល្បៈដូចគ្នា។

លើសពីនោះ ក្រឡេកទៅមើទំនាក់ទំនងនឹងមហាជនក្រៅប្រទេសក៏ដូចគ្នាដែរ ជីមមី បានសាងចំណងមិត្តភាពនឹងមនុស្សជាច្រើន ក្នុងនោះរួមមានទាំងពិធីករល្បីឈ្មោះប្រទេសថៃ Woody ជាដើម។

ជាក់ស្តែង ថ្មីៗនេះ ជីមមី ម៉េង បានបង្ហោះវីដេអូនឹងលោក Woody ពិធីកររបស់ប្រទេសថៃ ដោយបង្ហាញនូវកាយវិការយ៉ាងស្និទ្ធស្នាល រហូត Woody ថើបថ្ពាល់កញ្ញា ជីមមី ទៀតផង។

លើសពីនោះ វីដេអូបង្ហាញភាពស្និទ្ធស្នាលនេះ ជីមមី ក៏បានអមនូវសារថា ៖ «មនុស្សប្រុសម្នាក់នេះ តែងតែជាកម្លាំងចិត្តឱ្យខ្ញុំមករហូត។ ទាយមើលថាគាត់ជានណារ? Woody»៕