ភ្ញាក់ផ្អើល! ក្តារមឈូសស៊េរីថ្មី ស្ទីល Barbie ពណ៌ផ្កាឈូកស្រស់ ត្រូវគេដាក់លក់ដាច់អស់ពីស្តុកត្រឹមមួយភ្លែត

ថ្មីៗនេះ ភាពយន្តរឿង Barbie កំពុងតែផ្ទុះការគាំទ្រទស្សនាច្រើនណាស់ពីសំណាក់មហាជន រហូតដល់មានការផលិតរបស់ប្រើប្រាស់ជាច្រើន ដែលមានខោអាវ ស្បែកជើង ឬ អាហារ ជាដើម មានពណ៌ផ្កាឈូក ទៅតាមស្ទីលរបស់រឿងនេះទៀតផង។

យ៉ាងណាមិញ ថ្មីៗនេះ ខាងក្រុមហ៊ុនរៀបចំបុណ្យសពមួយ ក៏បាននឹកឃើញបញ្ចេញក្តារមឈូសថ្មី ដែលមានពណ៌ផ្កាឈូកស្រស់ស្អាត តម្រូវតាមចិត្តអ្នកគាំទ្ររបស់រឿង Barbie ផងដែរ។

ខាងក្រុមហ៊ុនបានឱ្យដឹងថា ក្តារមឈូសនេះមានពណ៌ផ្កាឈូកស្រស់ស្អាត វាផ្តល់ភាពគួរឱ្យចងចាំ និង អាចនាំសេចក្តីស្រឡាញ់របស់អ្នកគាំទ្រដល់ Barbie ទៅជាតិក្រោយ ហើយថែមទាំងអាចឱ្យពួកគេដេកសម្រាកបានដោយមានអារម្មណ៍ថាដូចជា Barbie ទៀតផង ។

យ៉ាងណាមិញ ក្តារមឈូសមួយនេះពិតជាធ្វើឱ្យមានអ្នកចាប់អារម្មណ៍ពិតមែន ដោយក្រុមហ៊ុនទម្លាយថាពួកគេបានលក់អស់ស្តុកទៅហើយ។ ដោយឡែក មានមហាជនចំនួនបាន​ឱ្យដឹងថា ពេលខ្លះពួកគេក៏គិតថាត្រូវការមឈូសពណ៌ផ្កាឈូកដូចគ្នា ព្រោះវាអាចធ្វើឱ្យការស្លាប់មិនសូវគួរឱ្យខ្លាចដូចមុន ហើយក៏ជាគំនិតច្នៃប្រឌិតមួយដ៏គួរឱ្យចាប់អារម្មណ៍ផងដែរ៕