(វីដេអូ) ប្រុសស្អាត Gugu អត្តពលិកមីយ៉ាន់ម៉ា ទោះចប់ភាកិច្ចនៅស៊ីហ្គេម តែនៅផ្ទុះល្បីខ្លាំងពេញ Tiktok
ប៉ុន្មានថ្ងៃចុងក្រោយនេះ ក្នុងព្រឹត្តការណ៍ស៊ីហ្គេមលើកទី ៣២ ឆ្នាំ ២០២៣ ដែលកម្ពុជាជាម្ចាស់ផ្ទះ កីឡាករជម្រើសជាតិមីយ៉ាន់ម៉ាផ្នែកខាងកីឡា Wushu លោក Gugu Swamyee Htet Naing ឬហៅថា Gugu កំពុងផ្ទុះល្បីកក្រើកពេញបណ្ដាញសង្គម ជាពិសេសគឺក្នុង Tiktok តែម្ដង។
វីដេអូមួយដែលធ្វើឱ្យមហាជនចាប់អារម្មណ៍ Gugu នោះ គឺបានបង្ហោះដោយគណនី Tiktok ឈ្មោះថា ahmey8443 ជាយុវនារីស្ម័គ្រចិត្តក្នុងព្រឹត្តិការណ៍កីឡាស៊ីហ្គេម បានឱ្យកីឡាកររូបសង្ហាម្នាក់នេះនិយាយជាភាសាខ្មែរ ជាមួយនឹងឃ្លាថា «បងស្រឡាញ់អូន» និង ឃ្លាមួយទៀតថា «ស្រឡាញ់បងទេ?» លាយឡំជាមួយនឹងទឹកមុខដ៏ឃ្យូត ក្រមិចក្រមើមធ្វើឱ្យមហាជនជាច្រើនគ្រឺតក្នាញ់រូបគេព្រាត។
គួរឱ្យដឹងផងដែរថា សម្រាប់កីឡា Wushu ក្នុងព្រឹត្តិការណ៍កីឡាអាស៊ីអាគ្នេយ៍ឆ្នាំ ២០២៣ នេះ បានធ្វើឡើងនៅមជ្ឈមណ្ឌលសន្និបាតជ្រោយចង្វារ (OCIC) ក្នុងរាជធានីភ្នំពេញ ចាប់តាំងពីថ្ងៃទី ១០ ដល់ថ្ងៃទី ១២ ខែឧសភា ឆ្នាំ ២០២៣។ រីឯប្រុសសង្ហា Gugu រួមទាំងអត្តពលិកជម្រើសជាតិមីយ៉ាន់ម៉ាផ្នែកខាងកីឡា Wushu បានធ្វើដំណើរត្រឡប់ទៅប្រទេសកំណើតរបស់ខ្លួនវិញកាលពីថ្ងៃទី ១៤ ខែឧសភា ឆ្នាំ ២០២៣ កន្លងទៅ៕
ចង់ជ្រាបកាន់តែច្បាស់ ចុចទីនេះដើម្បីទស្សនាវីដេអូ ១ និង ចុចទីនេះដើម្បីទស្សនាវីដេអូ ២
