មកលើកនេះជះសម្រស់ឆ្វាច! Dilraba លេងឈុតផ្កាឈូកខ្ចីឡើងស្អាតផូរផង់ អ្នកគាំទ្រឃើញហើយញ័របេះដូងព្រាត
ដូចដែលប្រិយមិត្តបានដឹងមកហើយ តារាសម្ដែងស្រីកំពូលសម្រស់ Dilraba dilmurat គឺជាតារាស្រីលំដាប់ A របស់វិស័យកម្សាន្តចិន និង មានក្រុមអ្នកគាំទ្រជាច្រើនទូទាំងអាស៊ីដែលស្រឡាញ់ពេញចិត្តលើសមត្ថភាពរបស់នាង ចាប់តាំងពីបង្ហាញខ្លួនចូលសិល្បៈលើកដំបូង ក្នុងឆ្នាំ ២០១៣។
យ៉ាងណាមិញ កាលពីពេលថ្មីៗនេះ តារាស្រីសម្បូរប្រជាប្រិយភាពរូបនេះ បានបញ្ចេញរូបថតសន្លឹកថ្មីមួយចំនួនដែលបានថតចេញពីស្ទូឌីយោផ្ទាល់របស់ក្រុមហ៊ុនចាត់ការទូទៅរបស់នាង។
សម្រាប់រូបថតឈុតក្រៅឆាកនេះ គឺតារាស្រីរូបនេះ បានថតសម្រាប់ដាក់ក្នុងកម្មវិធីកម្សាន្តចុងសប្ដាហ៍ បានទាក់ភ្នែកអ្នកគាំទ្រជាខ្លាំង មើលជ្រុងណាក៏មានភាពទាក់ទាញ ក្នុងឈុតរ៉ូបពណ៌ផ្កាឈូកខ្ចីយ៉ាងស៊ីវិល័យបំផុត ជាមួយនឹងក្រវិលធំមួយគូ កាន់តែលេចធ្លោស្រស់ស្អាតប្លែកភ្នែកណាស់៕
