រំជួលចិត្ត! ព្រះកាយច័ន្ទ ចូលប្រឡង The Voice Cambodia បំពេញបំណងឪពុក តែសោកស្តាយអត់បានកៅអី

នៅរាត្រីថ្ងៃទី ១៩ ខែមិថុនា ឆ្នាំ ២០២៣ កន្លងទៅនេះ កម្មវិធី The Voice Cambodia រដូវកាលទី ៣ បានឈានដល់វគ្គ Blind Audition សប្តាហ៍ទី ៣ ដែលមហាជនអ្នកទស្សនាជាច្រើន ក៏បានឃើញពីសមត្ថភាពរបស់បេក្ខជន បេក្ខនារីជាច្រើន ដោយខ្លះទទួលបានការជ្រើសរើសចុចប៊ូតុងពីគណកម្មការ និង ខ្លះទៀតក៏មិនទទួលបានជោគជ័យ។

ក្នុងវគ្គ Blind Audition ក្នុងសប្ដាហ៍ទី ៣ នេះដែរ អ្វីដែលធ្វើឱ្យមហាជនអ្នកគាំទ្រភ្ញាក់ផ្អើលស្រឡាំងកាំងខ្លាំង ក្រោយពីបានឃើញវត្តមានរបស់តារាស្រីដ៏ល្បីឈ្មោះកញ្ញា ព្រះកាយ ច័ន្ទ ក៏បានចូលរួមជាបេក្ខភាពនៃកម្មវិធីប្រឡងចម្រៀងលំដាប់ពិភពលោកនេះដែរ ដោយបានបង្ហាញសមត្ថភាពក្នុងសប្ដាហ៍នេះបកស្រាយបទ «មួយលានឆ្នាំ» ពុំទទួលបានការចុចប៊ូតុងពីគណៈកម្មការឡើយ។

យ៉ាងណាមិញ ដ្បិតតែមិនទទួលបានឱកាសទៅវគ្គបន្តមែន ប៉ុន្តែតារាស្រី ព្រះកាយច័ន្ទ ក៏មិនបានអាក់អន់ចិត្តចំពោះសមត្ថភាពរបស់ខ្លួនឡើយ ដោយនាងបានរៀបរាប់ទាំងទឹកភ្នែកឱ្យដឹងថាការចូលរួមប្រឡងនេះ ដើម្បីបំពេញបំណងរបស់លោកឪពុកទីគោរពស្រឡាញ់របស់នាងកាលនៅមានជីវិត ដែលចង់ឃើញនាងចូលប្រឡងចម្រៀងក្នុងកម្មវិធីណាមួយ៕

សូមទស្សនាវីដេអូខាងក្រោម៖