(វីដេអូ) ថេណា អៀនមុខក្រហម ពេល ពេជ្រ វត្តីសារ៉ាវឌ្ឍី បង្ហាញកាយវិការស្វីត ហើយនៅក្បែរគ្នាផ្គុំដៃបេះដូងជាមួយ
ប៉ុន្មានថ្ងៃចុងក្រោយនេះ អ្នកគាំទ្ររបស់លំដាប់រងទី ៥ Miss Grand International 2022 កញ្ញា ពេជ្រ វត្តីសារ៉ាវឌ្ឍី និង តារាចម្រៀងសំឡេងស្រទន់ លោក ថេណា កំពុងតែផ្ទុះការចែករំលែករូបភាពជាគូរបស់ Idol ទាំង ២ រូប ពាសពេញបណ្តាញសង្គមហ្វេសប៊ុក ព្រមទាំងបានបញ្ចេញមតិយោបល់ជាច្រើនហូរហែថែមទៀតផង។
ក្នុងនោះដែរ រូបភាពរបស់កញ្ញា ពេជ្រ វត្តីសារ៉ាវឌ្ឍី និង លោក ថេណា ដែលបានចូលរួមកម្មវិធីមួយជាមួយគ្នា និង ត្រូវបានបង្ហោះឡើងលើផេកផ្លូវការរបស់ វត្តីសារ៉ាវឌ្ឍី ត្រូវបានអ្នកគាំទ្រចូលទៅបញ្ចេញមតិថាតារាប្រុសស្រីទាំង ២ រូបនេះ ពេលនៅក្បែរគ្នាហាក់មើលទៅស័ក្តិសមគ្នាយ៉ាងខ្លាំង។ លើសពីនោះ ក្រឡេកទៅមើលលោក ថេណា ឯនោះវិញ ស្ទើរគ្រប់រូបភាពអង្គុយ ឬ ឈរក្បែរ កញ្ញា ពេជ្រ វត្តីសារ៉ាវឌ្ឍី មើលទៅលោកហាក់ញញឹមបិទមាត់មិនជិត ព្រមទាំងមានទឹកមុខអៀនថែមទៀតផង។
ជាងនេះទៅទៀត មិនត្រឹមតែរូបភាពនោះទេ សូម្បីតែវីដេអូពេលដែលកញ្ញា ពេជ្រ វត្តីសារ៉ាវឌ្ឍី បានឡើងច្រៀងលើឆាកនោះ Queen រូបនេះ បានច្រៀងផង ធ្វើកាយវិការសំឡឹងមកកាន់លោក ថេណា អង្គុយនៅនឹងមុខផងនោះ គឺកាន់តែធ្វើឱ្យអ្នកគាំទ្រកញ្ជ្រោលរហូតអៀនជាមួយអ្នកទាំងពីរទៀតផង៕
