(វីដេអូ) អ្នកគាំទ្រសរសើរ មៀលីយ៉ាន Top 5 MUC 2024 បង្ហាញខ្លួនជាពិធីការិនីលើកដំបូងលើឆាកអន្តរជាតិ MPI 2024 យប់មិញ ធ្វើបានល្អខ្លាំង
និយាយពី អ្នកនាង មៀលីយ៉ាន នីតា សាំង ជាបេក្ខនារី Top 5 Miss Universe Cambodia 2024 ដែលប្រកួតក្នុងឆ្នាំ ២០២៤ នេះ ដ្បិតតែអ្នកនាងមិនបានក្លាយជាម្ចាស់ជ័យលាភីគ្រងមកុដប្រចាំឆ្នាំ ២០២៤ នេះមែន តែអ្នកនាងក៏ជាបេក្ខនារី Top 5 ដ៏លេចធ្លោពេញដោយសមត្ថភាព ចំណេះដឹង និង បទពិសោធច្រើនមួយរូប។
បើចាប់អារម្មណ៍ចំពោះបទពិសោធរបស់ មៀលីយ៉ាន វិញ ត្រូវបានគេដឹងថាជាបេក្ខភាពបវរកញ្ញាដែលធ្លាប់ឆ្លងកាត់ការប្រកួតប្រជែង មានបទពិសោធក្នុងវិស័យបវរកញ្ញាម្ដងហើយ គឺនៅអំឡុងឆ្នាំ ២០១៦ ដោយនាងជាម្ចាស់គ្រងមកុដ Miss Cambodian American 2016។ លើសពីនេះ អ្នកនាង មៀលីយ៉ាន ក៏បានរៀបការសាងគ្រួសារ និង មានកូន ២ នាក់ហើយដែរ។
ជាមួយនឹងការវិលត្រឡប់មកប្រឡូកក្នុងវិស័យបវរកញ្ញាម្ដងទៀតដើម្បីបន្តក្ដីស្រមៃនេះដែរ គឺបន្ទាប់ពីនាងកសាងគ្រួសារដ៏កក់ក្ដៅ និង បានពង្រឹងសមត្ថភាពផ្ទាល់ខ្លួននៅក្រៅប្រទេសកាន់តែខ្លាំងជាងមុន ដោយផ្ដោតទៅលើចំណេះដឹងអ្នកនាងបានបញ្ចប់ថ្នាក់បរិញ្ញាបត្រដល់ទៅ ២ ជំនាញទៀតផង។
យ៉ាងណាមិញ ក្រោយពីមានឈ្មោះជា Top 5 Miss Universe Cambodia 2024 មួយរយៈក្រោយនេះ អ្នកនាង មៀលីយ៉ាន បានបង្ហាញសកម្មភាពយ៉ាងសកម្មក្នុងវិស័យបវរកញ្ញាដោយបានចូលរួមកម្មវីធីផ្សេងៗ ព្រមទាំងកិច្ចការងារសង្គមជាច្រើនផងដែរ។
ដោយឡែក ថ្មីៗនេះ អ្វីដែលធ្វើឱ្យមហាជនអ្នកគាំទ្រកាន់តែចាប់អារម្មណ៍ទៀតចំពោះបវរកញ្ញារូបនេះ ខណៈបានឃើញអ្នកនាងបង្ហាញវត្តមានជាលើកដំបូងក្នុងនាមជាពិធីការិនីលើឆាកអន្តរជាតិដ៏ធំ គឺក្នុងថ្ងៃប្រកួតវគ្គផ្ដាច់ព្រ័ត្រនៃកម្មវិធី MPI 2024 នៅយប់ថ្ងៃទី ២៧ ខែវិច្ឆិកា ។
អ្វីរឹតតែធ្វើឱ្យអ្នកគាំទ្រសរសើរខ្លាំងចំពោះអ្នកនាង មៀលីយ៉ាន ក្នុងការក្ដោបបានឱកាសជាពិធីការិនីក្នុងកម្មវិធីអន្តរជាតិដ៏ធំនេះ ដ្បិតតែជាលើកដំបូងមែន ប៉ុន្តែអ្នកនាងហាក់មានសមត្ថភាពខ្ពស់ក្នុងអាជីពនេះ ធ្វើបានល្អខ្លាំង ទាំងការប្រើវោហាស័ព្ទ និង ភាសាអង់គ្លេសរបស់នាងស្ទាត់ជំនាញណាស់៕
សូមចុចទីនេះដើម្បីទស្សនាវីដេអូ៖
