ពូកែមែន! ក្រុមបាល់ទះបុរសសង្ហាកម្ពុជា បំបាក់សិង្ហបុរី និង ហ្វីលីពីន ៣ សិតទល់ ០ ឡើងទៅវគ្គពាក់កណ្ដាលផ្ដាច់ព្រ័ត្រ

ប្រិយមិត្តអ្នកស្នេហាកីឡាបាល់ទះ បានដាក់ក្ដីរំពឹងខ្ពស់ទៅកាន់ក្រុមបាល់ទះបុរសជម្រើសជាតិកម្ពុជា ក្នុងការដណ្ដើមយកមេដាយមាសក្នុងព្រឹត្តិការណ៍កីឡាស៊ីហ្គេម ២០២៣ ក្រោយបង្ហាញសមត្ថភាពយកឈ្នះផ្ទួនៗលើ ២ ប្រទេស ជាមួយលទ្ធផល បិទ ៣ សិតទល់នឹង ០។

ជាក់ស្ដែង កាលពីថ្ងៃទី ០៣ ខែឧសភា ឆ្នាំ ២០២៣ កន្លងទៅ ក្រុមបាល់ទះបុររសជម្រើសជាតិកម្ពុជា បានយកឈ្នះក្រុមបាល់ទះបុរសជម្រើសជាតិសិង្ហបុរី ជាមួយលទ្ធផល ៣ សិត ទល់នឹង ០ យ៉ាងអស្ចារ្យ។

បន្ទាប់មក នៅថ្ងៃទី ០៤ ខែឧសភា ឆ្នាំ ២០២៣ ម្សិលមិញនេះ ក្រុមបាល់ទះបុរសជម្រើសជាតិកម្ពុជា បានលត់ក្រុមបាល់ទះបុរសជម្រើសជាតិហ្វីលីពីន ៣ សិត ទល់ ០ ទៀត ហើយបានកក់កៅអីឡើងទៅវគ្គពាក់កណ្ដាលផ្ដាច់ព្រ័ត្រ ដើម្បីដណ្ដើមយកមេដាយមាស ក្នុងព្រឹត្តិការណ៍កីឡាស៊ីហ្គេម ២០២៣ វិញ្ញាសាបាល់ទះបុរស៕

សូមបញ្ជាក់ផងដែរថា នៅថ្ងៃទី ០៦ ខែឧសភា ឆ្នាំ ២០២៣ ស្អែកនេះ ក្រុមបាល់ទះបុរសជម្រើសជាតិកម្ពុជា និង ត្រូវប៉ះជាមួយក្រុមបាល់ទះបុរសជម្រើសជាតិឥណ្ឌូនេស៊ី ខណៈក្រុមទាំង ២ នេះ មាន ៦ ពិន្ទុដូចគ្នា ក្នុងតារាង A៕