Guan Xiaotong ត្រូវគេរិះគន់ស្ពឹកមុខ រឿងការស្លៀកពាក់ក្នុងថ្ងៃទទួលពានរង្វាន់
កាលពីពេលថ្មីៗនេះ តារាសម្ដែងស្រីចិនវ័យក្មេង Guan Xiaotong បានបង្ហាញខ្លួនចូលរួមក្នុងព្រឹត្តិការណ៍ប្រគល់ពានរង្វាន់ «Golden Rooster Film Awards»។ តារាស្រីរូបនេះ បានមានវត្តមានដើរបង្ហាញមុខនៅលើកម្រាលព្រំក្រហម ប៉ុន្តែគួរឱ្យសោកស្តាយដែលអ្នកនិយមលេងអ៊ីនធឺណេតចាប់អារម្មណ៍លើរូបរាងរបស់នាងច្រើនជាងសម្រស់។
ក្នុងនោះ តារាសម្ដែងស្រីវ័យក្មេងរូបនេះ បានជ្រើសរើសស្លៀកក្នុងឈុតអាវពណ៌ស និង សំពត់វែងពណ៌ខ្មៅ កាន់កាបូបតូចមួយ ដើម្បីធ្វើជាស្ទាយ៌បន្ថែមភាពទាក់ទាញ។
ទោះជាយ៉ាងណា អាវពណ៌សរឹបចង្កេះរបស់នាង ធ្វើឱ្យអ្នកនិយមលេងអ៊ីនធឺណេតរិះគន់ចំៗ ដោយសារតែអាវនោះរឹបតឹងខ្លាំងពេក រហូតធ្វើឱ្យចេញសាច់ក្បាលពោះយ៉ាងច្បាស់ ដោយមិនបាច់ពង្រីករូបថតជិតឡើយ។ លើសពីនេះ ម៉ូដសក់របស់នាង ត្រូវបានគេនិយាយថាចាស់ខ្លាំង ថ្វីត្បិតថាឆ្នាំនេះ Guan Xiaotong មានអាយុត្រឹមតែ ២៥ ឆ្នាំក៏ដោយ៕
