(វីដេអូ) បង្ហាញមុខយុវជនខ្មែរ Remix បទ «ក្លិនផ្កាម្អម» ដែលកំពុងល្បីនៅលើ Tik Tok

ថ្មីៗនេះ មហាជនអ្នកលេងបណ្តាញសង្គម Tik Tok កំពុងផ្ទុះការចាប់អារម្មណ៍ចម្រៀងមួយបទរបស់តារាចម្រៀងសំឡេងផ្អែមអ្នកនាង ទូច​ ស៊ុននិច គឺបទ «ក្លិនផ្កាម្អម» ដែលល្បីល្បាញកាលពីជាង ២០​ ឆ្នាំមុន យកទៅ Remix នឹងបទ «ព្រាននារី» របស់តារាចម្រៀងរ៉េប វណ្ណដា។

គេសង្កេតឃើញថាបទចម្រៀង Remix រវាងបទ «ក្លិនផ្កាម្អម» និង បទ «ព្រាននារី» ហាក់មានសន្ទុះគាំទ្រលេងជាខ្លាំងនឹកស្មានមិនដល់ ដែលត្រូវបានអ្នកនិយមលេងក្នុងបណ្តាញសង្គម Tik Tok​ ជាច្រើនយកទៅសម្តែង និង រាំលេងកម្សាន្តព្រោងព្រាត។

ជាការពិត បទចម្រៀង​ Remix ដែលកំពុងល្បីនេះដែរ ​គឺជាស្នាដៃរបស់យុវជនខ្មែរមួយរូបមានគណនីហ្វេសប៊ុកឈ្មោះថា ម៉ៅ ពិទូ ឬហោថា DJ TU​ ជាអ្នក Mix បទទាំងពីរបញ្ចូលគ្នា ហើយសម្រាប់យុវជនរូបនេះក៏មានអាជីពជា DJ ចាក់ភ្លេងនៅតាមបណ្តាក្លឹបកំសាន្តមួយចំនួនផងដែរ។ ក្រៅពីបទ«ក្លិនផ្កាម្អម» DJ TU ក៏នូវមានបទចម្រៀងថ្មីៗជាច្រើនដើម្បីផ្តល់ជូនដល់ប្រិយមិត្តស្តាប់កម្សាន្ត៕ សូមចុចទីនេះដើម្បីទស្សនាវីដេអូ ៖