បិណ្ឌ ៣! រ៉ាប៊ី នាំគូស្នេហ៍កូនកាត់អាមេរិករូបសង្ហា Nick Taylor ស្លៀកពាក់បែបប្រពៃណីទៅវត្តយ៉ាងសមសួន

ទំនាក់ទំនងរវាងតារាចម្រៀងស្រី រ៉ាប៊ី និង លោក Nick Taylor ស្របពេលកំពុងស្ថិតក្នុងដំណាក់កាលទាក់ទងមើលចិត្តគ្នាចាស់ទុំដឹងឮ ឃើញថាអ្នកទាំងពីរកាន់តែបង្ហាញពីសកម្មភាពសិ្នទ្ធស្នាល និង ផ្អែមល្ហែមជាបន្តបន្ទាប់ ធ្វើឱ្យមហាជនចាប់អារម្មណ៍កាន់តែខ្លាំង និង រំភើបជំនួសអ្នកទាំងពីរ។

ជាក់ស្ដែង ថ្មីៗនេះ ចូលដល់រដូវធ្វើបុណ្យនាឱកាសពិធីបុណ្យភ្ជុំបិណ្ឌ តារាស្រី រ៉ាប៊ី និង លោក Nick Taylor កាន់តែធ្វើឱ្យមហាជនអ្នកគាំទ្រចាប់អារម្មណ៍ខ្លាំង ខណៈបានឃើញ រ៉ាប៊ី ដឹកដៃសង្សាររូបសង្ហាកូនកាត់អាមេរិករូបនេះ ទៅវត្តធ្វើបុណ្យដាក់បិណ្ឌម្ដង ដែលអ្នកទាំងពីរបានស្លៀកសម្លៀកបំពាក់ជាគូយ៉ាងស្អាតសមសួន។

រូបភាពប៉ុន្មានសន្លឹករបស់ រ៉ាប៊ី និង Nick Taylor កាន់ដៃគ្នាទៅវត្តធ្វើបុណ្យនេះដែរ កំពុងត្រូវបានមហាជនអ្នកគាំទ្រចែករំលែកលើបណ្ដាញសង្គមហ្វេសប៊ុកភ្ជាប់ជាមួយនឹងចិត្តរំភើប និង សរសើរគូស្នេហ៍ដ៏គួរឱ្យស្រឡាញ់មួយគូនេះដែរ៕