កំពុងឡើងកូដខ្លាំង តែ Tre Porapat សម្រេចចិត្តមិនសូវទទួលថតរឿងព្រោះហេតុផលនេះ
តារាប្រុស Tre Porapat គឺជាតារាប្រុសពន្លកថ្មី ក្នុងស្ថានីយទូរទស្សន៍ប៉ុស្តិ៍ 0ne 31 ដែលខណៈនេះហាក់កំពុងតែផ្ទុះប្រជាប្រិយភាពខ្លាំងពីសំណាក់មហាជនយុវវ័យ។ ជាមួយនឹងរូបសម្រស់ និង សមត្ថភាពសម្ដែងដ៏ល្អនេះបានធ្វើឱ្យតារាប្រុស Tre ក្តាប់បានតំណែងជាតួឯក និង ឱកាសការងារបន្តបន្ទាប់។
ទន្ទឹមនឹងឡើងកូដក្លាយជាតារាប្រចាំស្ថានីយទូរទស្សន៍ប៉ុស្តិ៍ One 31 នេះ មហាជនតែងតែចង់ឃើញអ្នកកំលោះ Tre Porapat បង្ហាញមុខលើកញ្ចក់ទូរទស្សន៍ជាប្រចាំតែ អ្នកកំលោះរូបនេះហាក់ពុំសូវជាចង់ទទួលថតប៉ុន្មានទេ ដោយលោកបានកាត់បន្ថយរឿងជាមួយនឹងក្រុមហ៊ុន One 31 ។
ជុំវិញបញ្ហានេះ តារាប្រុស Tre Porapat បានទម្លាយក្នុងបទសម្ភាសកាលពីពេលកន្លងទៅថា ៖ «ហេតុផលដែលលោកទទួលការងារតិច មិនសូវចេញថតក៏ព្រោះថាលោកចង់មានពេលវេលានៅជាមួយនឹងម៉ាក់ប៉ាឱ្យបានច្រើន ណាមួយចង់ថតមួយរឿងៗឱ្យចប់មិនចង់ថតច្រើនក្នុងពេលតែមួយឡើយ។ កន្លងមកលោកក៏ធ្លាប់ទទួលថតច្រើនក្នុងពេលតែមួយដែរ តែវាមានផលលំបាក ទើបលោកសម្រេចចិត្តថាកាត់បន្ថយ»៕
