ពូកែមែន! កុមារាកម្ពុជាម្នាក់ទទួលបានមេដាយមាស នៅសហរដ្ឋអាមេរិក ផ្នែក Natural Science

ជារឿងដ៏គួរឱ្យស្ញប់ស្ញែង និង ស្ញើចសរសើរបំផុត កុមារាកម្ពុជាមួយរូបមានឈ្មោះ វិន សុវណ្ណបញ្ញារាជ ទទួលបានមេដាយមាស ព្រមជាមួយរង្វាន់ពិសេសផ្នែក Natural Science នៅសាកលវិទ្យាល័យ Rice University ក្នុងទីក្រុង Houston រដ្ឋ Texas​ សហរដ្ឋអាមេរិក​ កាលពីថ្ងៃទី ២៦​ ខែមករា​ ឆ្នាំ​ ២០២៣​ ថ្មីៗនេះ។

គួរឱ្យដឹងផងដែរថា កុមារា វិន សុវណ្ណបញ្ញារាជ គឺជាកូនប្រុសរបស់ ឯកឧត្តមបណ្ឌិត វិន ភក្តី អគ្គនាយករងនៃនិយ័តករមូលបត្រកម្ពុជា។ តាមរយៈការទទួលបានមេដាយមាសនេះ ក្នុងនាមជាឪពុក ឯកឧត្តមបានបង្ហោះរូបភាពកូនប្រុសទទួលបានមេដាយ ព្រមជាមួយឃ្លាដ៏មានមោទកភាពចំពោះកូនប្រុសជាទីស្រឡាញ់បែបនេះថា ៖ «កូនពូជ វិន សុវណ្ណបញ្ញារាជ បានឈ្នះមេដាយមាស ផ្នែក Natural Science ព្រមជាមួយរង្វាន់ពិសេសនៅសហរដ្ឋអាមេរិក»៕