លាក់មិនជិតមែន! Kwon Eun Bi ស្រីស្អាតល្បីនៅ Waterbomb ត្រូវគេកកាយឃើញរូបមុនកែសម្ផស្ស
ថ្មីៗនេះ អ្នកនិយមលេងនៅលើបណ្តាញសង្គមកូរ៉េ កំពុងតែផ្តោតការចាប់អារម្មណ៍ទៅលើតារាចម្រៀងស្រី Kwon Eun Bi បន្ទាប់ពីបានបង្ហាញខ្លួនយ៉ាងទាក់ទាញភ្នែកទស្សនិកជនជាច្រើនសម្ដែងនៅឆាកតន្រ្តី Waterbomb នាពេលកន្លងទៅ។
ក្រៅពីសមត្ថភាព ទស្សនិកជនមានការចាប់អារម្មណ៍ខ្លាំងលើរូបសម្រស់ និង រាងស៊ិចស៊ីរបស់នាង ដោយមនុស្សភាគច្រើនគិតថា សម្រស់របស់នាងគឺស្អាតអំណោយផលពីធម្មជាតិ ប៉ុន្តែយូរទៅក៏ចាប់ផ្តើមមានការមតិខ្សឹបខ្សៀវថា មុខមាត់ស្អាតរាងស្អាតរបស់នាងគឺបានមកពីការវះកាត់កែសម្ផស្ស។
ក្នុងនោះដែរ ក៏រូបថតពីមុនៗរបស់នាង និង ពេលបច្ចុប្បន្នត្រូវបានបង្ហោះចែកចាយពេញនៅលើបណ្តាញសង្គមកូរ៉េ ដោយបង្ហាញពីការផ្លាស់ប្តូររបស់ Kwon Eun Bi មុន និង ក្រោយពេលវះកាត់កែសម្ផស្ស។
ថ្វីដ្បិតថា មានការបញ្ចេញមតិរិះគន់ចំៗលើភាពសម្រស់បានមកពីការវះកាត់របស់តារាស្រីវ័យ ២៧ ឆ្នាំរូបនេះ ក៏ដោយ ប៉ុន្តែក៏មានមតិពីទស្សនិកជនចេញមកការពារលើនាងផងដែរ ដោយនិយាយថា៖ «យើងទទួលស្គាល់ថា សម្រស់ស្អាតគឺជារឿងសំខាន់ តែយើងមិនយល់ថាហេតុអ្វីបានជាមនុស្សមួយចំនួនចូលចិត្តតាមចាប់កំហុសរបស់គេ ហើយយករូបថតពីមុនមករិះគន់លើ Kwon Eun Bi ទៅវិញ»៕
