លើសជាតិស្ករ! ខាយ ប្រើភាសាផ្អែមខ្លាំងលើកដំបូងទៅកាន់មិត្តស្រី បន្ទាប់ពីប្រកាសស្រឡាញ់គ្នាដោយបើកចំហ
ក្រោយពីត្រូវបានមហាជនអ្នកគាំទ្រផ្ទុះការសង្ស័យពីទំនាក់ទំនងស្នេហ៍របស់ប្រុសសង្ហា ខាយ និង ស្រីស្អាត មុន្នីនាថ ហើយនោះ កាលពីថ្ងៃទី ១០ ខែកក្កដា ឆ្នាំ ២០២៣ កន្លងទៅ ស្រីស្រស់ប្រុសស្អាត ២ រូបនេះ បានបើកចំហស្នេហ៍ជាសារធាណៈហើយ។
ក្រោយពីទម្លាយពីចំណងស្នេហ៍របស់ខ្លួនភ្លាម ម្ចាស់បទ «Maskara ទឹកភ្នែក» រូបនេះ កាន់តែបង្ហាញភាពផ្អែមល្ហែមនឹងមិត្តស្រីខ្លាំងឡើងលើបណ្តាញសង្គមហ្វេសប៊ុក ដោយលោក ខាយ និង កញ្ញា មុន្នីនាថ ចាប់ផ្តើមបង្ហោះរូបគូនោះ។
ងាកទៅកាន់ លោក ខាយ ឯនោះវិញ បើទោះជាមិត្តស្រីរស់នៅឯខេត្តសៀមរាបក៏ពិតមែន តែលោកក៏តែងចំណាយពេលនៅជួបនាងជារឿយៗផងដែរ។ ជាងនេះទៅទៀត កាលពីយប់ថ្ងៃទី ១១ ខែកក្កដា ឆ្នាំ ២០២៣ លោក ខាយ បានបង្ហោះរូបជាគូអមនឹងសារដ៏ផ្អែមនៃស្នេហ៍របស់អ្នកទាំង ២ ជាភាសាអង់គ្លេសថា៖ «We were made for each other since we’re already written in the stars. Good night»។
សាររបស់ ខាយ នេះដែរ មានអត្ថន័យជាភាសាខ្មែរថា៖ «ពួកយើងត្រូវបានបង្កើតមកសម្រាប់គ្នាទៅវិញទៅមក តាំងពីពួកយើងត្រូវបានចារទុករួចរាល់ក្នុងដួងតារា! រាត្រីសួស្តី»៕
