ឡាន James Bond បំពាក់កាំភ្លើងយន្ត លក់បានតម្លៃបំបែកកំណត់ត្រា រហូតដល់…
រថយន្ត Aston Martin DB5 មួយគ្រឿង ដែលត្រូវបានផលិតឡើងសម្រាប់ខ្សែភាពយន្ត James Bond ដ៏ល្បី គឺរឿង “Thunderball” ក្នុងឆ្នាំ ១៩៦៥ ត្រូវបានដាក់លក់ក្នុងតម្លៃដ៏ច្រើនសន្ធឹកមួយ ។
រថយន្តខាងលើបានលក់ក្នុងតម្លៃរហូតដល់ទៅ ៦ ៣៨៥ ០០០ ដុល្លារ លើសតម្លៃដែលគេរំពឹងទុកត្រឹមចន្លោះពី ៤ ទៅ ៦ លានដុល្លារ ។ តម្លៃប៉ុណ្ណេះ ធ្វើឱ្យវាបង្កើតកំណត់ត្រា រថយន្ត Aston Martin DB5 លក់បានថ្លៃបំផុតនៅកន្លែងដេញថ្លៃ ។
សូមបញ្ជាក់ថា រថយន្ត Aston Martin DB5 នេះ បានបំពាក់កាំភ្លើងយន្ត , គម្របយ៉ាន់ដែលអាចលានចេញមកក្រៅដើម្បីចាក់បំបែកកង់រថយន្តដទៃ , របាំងការពារគ្រាប់ផ្នែកខាងក្រោយ , ប្រព័ន្ធបាញ់ប្រេងឱ្យគេរអិល , ស្លាកលេខអាចប្តូរចុះឡើងបាន និង កៅអីចុចបំផ្ទុះអ្នកដំណើរចេញពីរថយន្តទៀតផង ៕
ដោយ ៖ ឡុង
ប្រភព ៖ Carbuzz
