Apple ចេញ iPad ថ្មីជំនាន់ទី ៧ ទំហំ ១០,២ អ៊ីង តម្លៃចាប់ពី ៣២៩ ដុល្លារ
Apple បានបញ្ចេញ iPad ជំនាន់ទី ៧ ថ្មី ទំហំ ១០,២ អ៊ីងជាផ្លូវការ ជាមួយនឹងអេក្រង់ Retina Display ដែលនឹងប្រើប្រាស់ប្រព័ន្ធប្រតិបត្តិការណ៍ iPadOS 13 , មុខងារ Apple’s Smart Connector, អាចប្រើជាមួយ Apple Pencil និង Smart Keyboard ព្រមទាំអលក្ខណៈពិសេសជាច្រើនទៀត ។
iPad ថ្មីនេះនឹងបំពាក់ឈីប A10X Fusion ដែលមានប្រើលើ iPad Pro ដែរ ។ Apple អះអាងថា iPad ជំនាន់ទី ៧ នេះ ត្រូវបានផលិតឡើងពីសារធាតុអាលុយមីញ៉ូមកែច្នៃឡើងវិញ ១០០% តែម្តង ។ វាមានចំនួន ៣ ពណ៌ គឺ ពណ៌ទឹកប្រាក់ , ពណ៌ប្រផេះ (Space Gray) និង ពណ៌ទឹកមាស ជាមួយនឹងជម្រើសទំហំផ្ទុក 32GB និង 128GB ។
iPad ទំហំ ១០,២ អ៊ីងនេះនឹងមានតម្លៃសមរម្យបំផុត ចាប់ពី ៣២៩ ដុល្លារ ខណៈអតិថិជនផ្នែកអប់រំ (សាលា) អាចទិញក្នុងតម្លៃត្រឹមតែ ២៩៩ ដុល្លារប៉ុណ្ណោះ ។ វានឹងចេញលក់នៅថ្ងៃទី ៣០ ខែ កញ្ញា ឆ្នាំ ២០១៩ នេះ តែម្តង ៕
ប្រភព ៖ theverge
