Apple បញ្ចុះតម្លៃ iPhone XR និង iPhone 8 រាប់រយដុល្លារ ក្រោយចេញ iPhone 11

Apple ទើបតែបានបញ្ចេញ iPhone ជំនាន់ថ្មីចំនួន ៣ ម៉ូដែល គឺ iPhone 11 , iPhone 11 Pro និង iPhone 11 Pro Max ជាមួយនឹងតម្លៃចាប់ពី ៦៩៩ ដុល្លារ , ៩៩៩ ដុល្លារ និង ១០៩៩ ដុល្លារ ។

តម្លៃ ៦៩៩ ដុល្លារនេះធ្វើឱ្យ iPhone 11 ថោកជាង iPhone XR ពេលចេញដំបូងកាលពីឆ្នាំមុន ។ ប៉ុន្តែ Apple បានបញ្ចុះតម្លៃ iPhone XR កាន់តែថោក រួមទាំង iPhone 8 ផងដែរ ។

ឥឡូវនេះ iPhone XR នៅសល់តម្លៃត្រឹមតែ ៦០០ ដុល្លារប៉ុណ្ណោះសម្រាប់ម៉ូដែល 64GB ខណៈចេញដំបូងតម្លៃ ៧៥០ ដុល្លារ ។ ជាមួយគ្នានេះ Apple ក៏បានបញ្ចុះតម្លៃ iPhone 8 នៅសល់ត្រឹមតែ ៤៥០ ដុល្លារប៉ុណ្ណោះសម្រាប់ម៉ូដែល 64GB ខណៈចេញដំបូងវាមានតម្លៃ ៧០០ ដុល្លារឯណោះ ។

ដោយឡែក Apple Watch Series 3 ក៏បញ្ចុះតម្លៃមកដល់ត្រឹម ២០០ ដុល្លារសម្រាប់ម៉ូដែល GPS និង ៣០០ ដុល្លារសម្រាប់ម៉ូដែលប្រើស៊ីម ស្របពេលដែល Apple Watch Series 4 ត្រូវឈប់ផលិត ៕

ប្រភព ៖ gsmarena